https://youtu.be/n_uoWELuRLQ

情人節街上一對對愛侶慶祝節日，17歲的 Yuko（化名）原也以為可以和男友甜密過節，豈料反送中運動，令二人被高牆分隔。今個情人節，在懲教所15分鐘的會面、一包袋裝朱古力便是他們僅有的接觸。

去年10月，Yuko 的男友因抗爭運動被捕，至今仍被還柙。Yuko表示知道他是前線抗爭者，雖然一直十分擔心，但仍然沒有過問，「佢只係話做嘅事都危險。我覺得，每個人都有自己的方法去表達自己對這個政權、社會環境嘅不滿。」

「都預咗佢有一日可能真係會被捕，但當佢真的被人拉咗嘅時候。都有一瞬間去諗點解偏偏係佢。」Yuko 憶述收到電話得知男友被捕後腦海一片空白，她一直壓抑情緒，惟目睹男友提訊一刻，不禁潸然淚下，「他望到我嘅第一個反應係對着我笑， 佢係想我安心，你俾人審緊都仲對住我笑，我真係覺得佢好蠢。」

還柙至今4個月，Yuko 每周都至少探望男友兩次，「花個幾鐘入去，但淨係見得佢15分鐘，我每次都唔想咁快完，但無辦法。」至於情人節，Yuko 說有早點起床打扮才出門到懲教所，又買了袋裝朱古力作禮物，雖然只是懲教處規定可交送的零食，但已是二人意義最重大的一分禮物，「上年佢有送玫瑰花畀我，亦都有喺屋企樓下傾計食糖水，今年情人節都沒辦法掂到對方，但都希望可以見下對方。」

問到對男友的情人節祝福，Yuko 思索良久才回答道：「我只想佢知道我會一直陪佢，只想佢開心、平安，咁就夠。」