https://hk.news.appledaily.com/local/20200214/LKAEZLGHCJ2Y3677EAENWZ6BEI/

呃同場商戶「每日帶一個客嚟」


大媽美容院設於荃灣一商場。

【本報訊】大媽老闆不但向學徒埋手，就連同一商場的按摩店老闆Amy亦中招，被騙去3,000元。Amy去年8月在荃灣華都商場開店，但客量較少，至9月初相隔幾個舖位的涉事大媽老闆突然主動招攬合作，「佢突然走入嚟話，咁做生意唔得㗎，提議叫我畀3,000蚊，佢承諾每日帶一個客嚟，一個月30客，叫我試一個月。」Amy見對方外表老實，不虞有詐遂支付3,000元答應合作。

數日後，該大媽老闆帶Amy到附近打印店製作一幅簡單的宣傳單張，印刷費約80元，更直言該費用不包括在3,000元的「合作費」內，Amy只好自掏腰包，惟最後對方一個客也沒帶來，還出爾反爾，「佢竟然話冇講過帶客過來，仲話呢個係廣告費，之後又話自己都唔想，因為示威遊行影響，其後仲叫我唔好打擾佢」。


收3,000元後反口

相關新聞：記者放蛇 大媽讚有氣質

Amy其後翻查對方開出的「單據」，才發現只寫上廣告費3,000元，「真係俾佢陰咗，原來3,000蚊只係貼張宣傳單喺佢舖頭，而且喺唔起眼嘅位置，我喺商場賣一個廣告都只係550蚊，真係好離譜！」她事後入稟向小額錢債審判處向對方追究。