利物浦目前在英超榜首遙遙領先，相信其他球隊今季都很難追上，不過紅軍今季能否首奪英超，最大對手並非曼城，而是武漢肺炎，有球迷就擔心疫情問題會影響今季英超的賽程，令球季無法完成。

武漢肺炎疫情席捲全世界多個國家，連遠至歐洲的英國也無法倖免，確診個案亦越來越多，雖然利物浦市表明會支持及協助當地華人社區，不過有華人學生就透露自己被當地人歧視，以敢出街，總之無論當地嘅英國人定華人都係人心惶惶。

雖然利物浦今季喺英超已經拋離晒其他球隊，不過隨住當地疫情嘅發展，有球迷就開始擔心紅軍今季係咪可以順利咁首奪英超。有球迷就話，好擔心英國疫情爆發最終會令到好似英超呢類大型公眾活動被逼暫停，如果係咁嘅話，賽會點樣決定今屆冠軍球隊將會成為一個問題；亦有球迷話估唔到紅軍今季最大嘅爭標對手竟然係武漢肺炎咁話。

今季英超會唔會因為武漢肺炎而腰斬仲係言之尚早，不過另一支英超球隊曼聯早前就已經決定重新檢視今年夏天嘅季前集訓係咪照原定喺中國舉行，睇嚟今次疫情對英國球壇嘅影響都唔細。




https://hk.sports.appledaily.com/sports/20200212/GRN2DINUY3OC7FH4BFBYFX4NBY/