HKGalden娛樂臺
發表文章發起投票回覆
有啲㷫政府 阿澤兩萬口罩贈醫護
https://hk.entertainment.appledaily.com/entertainment/20200211/TRBDWWQLH2OO7VWTS5FRDS2AN4/

有啲㷫政府 阿澤兩萬口罩贈醫護

向來為社會發聲的杜汶澤,眼見武漢肺炎肆虐,林鄭領導的香港特區政府至今仍拒絕全面封關,加上未能有效採購口罩,令市民失去信心。早前阿澤在外地訂購了兩萬個口罩,昨日傍晚已送到香港,他打算送給前線醫護及其家屬。而近日所見,香港市民瘋狂搶購食米和廁紙,口罩更加是一罩難求,甚至被炒至天價。一班在防疫最前線的醫護人員,更未能分到足夠口罩及防護用具,反而政府懲教署生產、印有「CSI」的口罩近日卻屢次被爆於網上明目張膽地出售。


杜汶澤向來關注社會,將早前在外地訂購的口罩轉贈給香港醫護人員。互聯網圖片


阿澤昨日在社交網留言,指自己能力有限,只是希望盡一點綿力,並教人健身抗疫。互聯網圖片


互聯網圖片


惠及家屬

阿澤昨日接受《蘋果》訪問時透露,不單會將口罩轉贈一班前線醫護,就連他們的家屬都會受惠,他說︰「見到班醫護咁慘,香港市民都好痛心。唔明林鄭點樣去搵口罩嗰個資源,人人都係咁搵,大家都係咁撲,佢就搵唔到。開頭我搵咗幾萬個,但都係送唔到嚟香港,直至到今日嚟咗一批,打算送兩萬隻畀醫護同佢哋家屬,知道係好少,但我能力只係咁樣,無論財力或者搵到口罩方法。」


阿澤表示兩萬個口罩昨日已運抵他的公司。互聯網圖片


人人自救

對於這個決定,阿澤透露是源於有位老友的醫護太太一番說話,他說︰「聽老友位醫護老婆講,政府醫院居然叫醫護自己買口罩、面罩返工,我聽到覺得『有冇搞錯呀!』你唔叫差佬自己買槍返工。咁呢啲係保護自己人身安全措施,有啲㷫所以諗辦法買啲口罩返嚟。𠵱家梗係人人自救啦,呢個政府唔X推翻佢已經好畀面啦。大有大搞,細有細救,我哋又唔係劉鑾雄、李嘉誠咁樣,有幾多錢幾多辦法,能力範圍之內做到幾多得幾多,只要人人都係咁做,相信香港係有得救。」其後,阿澤在個人的fb中轉載有關報道,並留言:「好抱歉,呢期窄窄地!身家有限,亦買咗好多次都失敗!兩萬頂住先!」

採訪︰何永寧
Good0Bad0
2020/02/11, 4:12:17 下午
引用快速引用
本貼文共有 0 個回覆
發表文章發起投票回覆
請先登入以發表回覆