岩岩睇完堅系唔知巴打定絲打個post
有感而發


細個果陣,會覺得5蚊好多
可以買糖,扭蛋...
可能仲會因為執到5蚊開心到成晚訓唔著
諗下聽日個5蚊點用好


細個o既時候
從來唔會將測驗考試放係心上
反而好想快d考試

早放就可以同d同學一齊去停車場踢波
甚至乎唔識o既
用書包做龍門
玩到成身臭亨亨先番屋企
約好聽日再黎玩過

細個唔會點樣打扮先出街
覺得好麻煩
完全冇打扮裝身呢個概念
求其短褲白背心踢對靚拖就出街
就算出遠門都話9知佢

細個果陣唔知老豆出去做野辛苦
覺得佢養家係理所當然
唔會慰勞下佢
仲成日問佢拎錢買呢樣買果樣
從來冇刻意去珍惜d錢或者珍惜個老豆
到佢死果日
一切都太遲

人大左
d糖啊公仔啊已經唔再稀罕
幾十蚊買盒模型番黎砌
一盒唔夠買兩盒,
兩盒唔夠買四盒
總知買到自己開心
已經忘記左當初珍而重之o既5蚊銀

人大左
唔扮靚先出街好似周身唔舒服
買衫買褲
用錢裝身吸引異性
已經忘記左細個o既自己係咩樣

大家,做人向前望係好事
但係有時
麻煩花小小時間去回味下,去回憶下細個o既自己
唔好忘記因為小小事就開心成晚o既自己
冇果個細路
你今日唔會坐係到