將迪士尼同海洋公園鏟平,全盤興建公屋!首先迪士尼已經係無底深潭繼續丟錢落去,塊地免費撥比佢哋,根本就唔可以回到本!海洋公園依家成為同一個個案,再比106億佢,專家都講到明冇可能回本!塊地又係政府嘅!第二,更加好處嘅係兩個主題樂園已經有完善嘅交通配套,唔使再為新公屋設置交通設施!第三,政府不斷表示呢個係提供青年人工作機會同埋周邊經濟效益嘅設施,咁我相信絕大部份年輕工作者係寧願可以盡快上公屋而係另外啲地方搵工作!或者起更多社區設施青年人都可以搵到工作!第四,既然政府講到明要融入國家,遠少少就有個長隆遊樂園、上海就有另一個迪士尼,香港完全可以被取替,大家放手啦!乜鬼嘢集體回憶都幾虛偽㗎!又唔見你想叫政府起番個荔園?!
https://www.facebook.com/CHANWANHOI/posts/3438042316237878?__tn__=-R