https://hk.news.appledaily.com/local/20200122/JD6BYR6LVF22RIVNCCFZ2YTJ6Q/

觀塘議音樂噴泉 民政署拒赴會


觀塘音樂噴泉項目
(社內相)

【本報訊】觀塘區議會冀煞停或更動已開展工程的5,000萬元音樂噴泉項目，惟民政事務總署兩度拒應邀派代表出席會議，改為邀請正副主席茶敍。觀塘區會主席蔡澤鴻表示，溝通為良好起步，但表明署方至少要重新諮詢居民，「如果呢步都畀唔到我哋去行，係逼我去行另一條路」。[orange]有區議員表明若署方堅拒提供合約資料，又拒出席會議，不排除發起街頭運動推倒「小白象」。[/orange]

相關新聞：灣仔商重組警隊 三警離場

僅邀正副主席茶敍

觀塘區議會昨再開會討論音樂噴泉項目，主席蔡澤鴻指，民政總署會前透過民政事務專員回覆指未能派員出席，但希望邀請正副主席茶敍溝通，蔡強調希望各黨派均派代表出席，亦會向區議會交代內容，並已透過專員向署方反映，「我哋唔係冇得傾」，但署方應重新諮詢民意，「問返觀塘人想呢個項目點樣去做，如果呢步都畀唔到我哋，係逼我行另一條路」。

[orange]月華區區議員梁凱晴不滿政府代表缺席，「有乜唔可以開心見誠講」，指項目關乎公眾利益，並非商業秘密，「連份合約都未見過，但冇對口單位都唔需要多講」，強調不排除運用公眾遊行集會權，「官逼民反啊再咁做落去」。[/orange]樂華北區議員黃子健批評署方不出席會議，反而舉行閉門會議，質疑署方企圖黑箱作業，重申署方應公開合約內容、工程細節，他反斥噴泉「由頭到尾係不公義工程項目」，「（署方）係應該嚟解釋點解要霸王硬上弓，唔係我哋要賠返錢畀你走」。

協康區議員李嘉達會後指，署方有責任出席會議回應提問，[orange]「有乜唔可以畀人知」[/orange]，不解茶敍用意，但預料素人會派代表出席，惟內容不能保密，否則將拒出席。

■記者梁穎妍