https://hk.news.appledaily.com/local/20200119/6FSMWO7FIARFLVPYRGWXRFTRGI/

將軍澳糕點黃店 元朗手足力撐


「清心齋」老闆Cindy自6月已身體力行支持抗爭運動。黃耀興攝

【本報訊】抗暴之路漫長，平日光顧黃店餐廳之餘，選購新春賀年食物亦可支持黃色經濟圈。開業五年的「清心齋」屬街坊小店，老闆抵住家庭壓力，6月以來堅持撐手足，無懼黃店被破壞威脅。今年市道低迷，但在同路人支持下意外受惠，顧客人數不減反增。

相關新聞：街站派揮春 抗爭產品熱賣 無懼封殺 和你宵區區墟冚

「港豬」店主：傘運令我醒覺

「清心齋」80後老闆Cindy與丈夫開設素食店，以往多做街坊生意，今年客人變得不一樣。該店屬少數有售傳統賀年食品的黃店，出售六款手做糕點。

Cindy早於6月已罷市支持反修例運動，7、8月遊行時曾提供救傷用品予遊行人士，屬較早表態的「良心小店」。

Cindy笑言自己曾屬「港豬」一名，「以前我覺得遊行都唔一定會理你㗎」，但傘運令她醒覺，「點解可以無啦啦打人？記者又打、急救又打，一個文明的地方點可能發生？」

將軍澳經常成為反送中戰場，該店幸未直接受影響，但「有同事住尚德，因為成街防暴返唔到工，有同事帶住個女出街，突然放TG（催淚彈），流鼻血流到開水龍頭咁，個小朋友做錯乜？」令她最痛是周梓樂墮樓身亡事件，她淚流滿面，直斥是謀殺，「文宣講得好啱，只係咁啱佢唔係我屋企人……」

黃店效應令她多了生客，「最誇張有個叔叔特登由元朗過來幫襯」。但不諱言運動下整體生意定有影響，「差咗唔緊要，咪賺少啲」，即使最後可能影響生活，但「（歸根究柢）係邊個害嘅？」

■記者鍾雅宜