https://hk.news.appledaily.com/local/20200117/GNFZ76XFBITFLFGFPKQQTZ5WWY/

區議員火併鄧炳強言論

任嘉兒：不斷有警員用強光照射我雙眼，我已經講咗令我唔舒服，你哋警員回覆話「之前都係咁㗎啦」，呢個係咪對市民應有態度？警察用強光照射市民雙眼是否構成襲擊？
鄧炳強：你頭先講嘅個別事件，好歡迎你攞出真憑實據，例如你嘅口供，作出一個投訴。

黃永志：毛澤東話，凡是鎮壓學生運動的都沒有好下場，我希望警署係可以收返嚿生豬肉，唔好再鎮壓青年學生。
鄧炳強：首先我對毫無事實根據話我哋砌生豬肉係感到遺憾，我希望阿呢位黃議員係可以攞出事實根據，時間、日期、地點，我哋砌邊個人生豬肉。

何致宏：你可以辭職，你會唔會辭職？
鄧炳強：多謝，我理直氣壯，做得好，只係一啲懼怕我正義嘅，想我辭職啫！

伍凱欣：點解我哋唔相信你話8.31冇死人呢？係因為你冇攞出證據，請你攞出證據，證明你哋係冇打死人。
鄧炳強：我哋已經多次澄清，講咗冇發生，但點樣證明啲嘢冇發生，譬如有人話阿伍議員你嗰日去咗邊行街，你攞個證據證明你冇去過啦，要證明一樣嘢冇發生係好困難。

黃健菁：市民好想聽吓你點解釋自反送中行動以嚟一啲警暴問題……
鄧炳強：頭先你講警暴呢樣嘢，我唔能夠承認，因為呢個唔係事實。

資料來源：中西區區會會議