作為所謂嘅世界三大 blue cheese 之一
味道絕對唔係人咁品
就算你食得到晌超巿買果啲包裝 blue cheese
你都未必接受到
所以，你如果從未試過 blue cheese 的話
你千萬唔好用佢黎做你第一舊的 blue cheese
否則你一定會後悔

講番舊之屎先！
味道偏咸，最好搵野送，例如餅，或者小水果粒
佢屬於比較濕同輕，所以唔會好似平時見到果啲咁樣會碎開一粒粒
而入面嘅毛菌比較硬，你會明顯咬到有聲

味道方面
真係好重好重味
重味到空口食會頭痛果隻
搵小水果粒送係朋友教的
人地教我係夾一粒無核青提食
不過無的話，開罐罐裝雜果都未嘗不可
咁樣食就可以食到好重嘅之屎味同菌味
晌口入面瘋狂地爆開

如果同時開番支濁酒的話，人生一樂也