https://hk.nextmgz.com/article/2_713390_0

【國際專家小組請辭】Ben Sir王喜齊嘲監警會



正當好多香港人都知，監警會幾咁有能力「監警」，但偏偏喜歡執意而行嘅阿娥，堅持監警會做到監察警隊作用。

今日《華爾街日報》報道，監警會國際專家小組成員已請辭，連專家小組發表官方聲明，亦表明因監警會無權力進行調查同搜證，故決定退出(formally stand aside from its role)。

講到咁，但監警會主市梁定邦同副主席謝偉銓，就否認專家小組集體辭職，辨稱佢哋只係工作「告一段落」喎！

呢六個月，港人已經喺政府長期「訓練」下，做到你有你自圓其說，我有我自行判斷，時刻頭腦清醒。所以監警會國際專家小組成員已請辭一事上，Ben Sir以妙論表達香港已經幾咁荒謬:「今時今日嘅社會，假如男性海外調查專家突然話畀你聽要離隊生仔，而你都覺得合情合理時，啲高官描述佢哋辭職定早退定唔得閒，又有乜所謂呢？」跟手#男性專家原來去生仔。

而王喜亦忍唔住喺fb留言:「國際調查團隊總辭原因:皇家香港警察，撲滅罪行永垂不朽。私家香港警察，撲滅市民卻無從稽考。」。