https://www.facebook.com/LadyKylieHK/photos/a.10156359838896616/10156803622251616/?type=3&theater

喺twitter放張燒章魚相都過成萬八like、二千幾個retweet嘅周庭BB。

多人支持就一定多人唔歡喜，但事實係無論你歡唔歡喜佢，日本戰線輿論上的確係靠佢。真係一個打一千個五毛。日本人好受佢個形象，日本media勁中意搵佢訪問。

依家攪社運後生一定係賣點、優勢，全世界都係，睇吓個Greta同之前嘅Malala。如果靚女額外加分（平心而論，周庭BB的確越大越靚，你睇吓佢雨革時十七歲個呆妺中學生樣，無依家廿三歲一半索。女人味出緊嚟）。老實一句，呢個年代，基本上20歲前未「好出名」就係人氣低。

加上BB流利日、英、粵語，又對自己言行舉止較為小心（反之黃之鋒表現太目中無人，睇吓「呼籲」台灣總統單嘢⋯⋯佢喺國際線好大影響力，但越來越多人對佢反感亦係事實），完全係悟空喺㗎康復幾入面都feel到佢Power up緊，一ready時就會爆到好似wonder woman 100%出必殺技咁。

有人話佢日文普通，但其實被訪問即場發揮，仲要係好多複雜詞彙嘅政治主題，真係算係咁。我平時同朋友英文交談唔駛諗就講到，但試過即場翻譯啲歷史嘢都發覺講得比起平時差好多，英文譯返廣東話都係！德文更加唔駛講。用自己文字傾計，甚至有啲人只係讀稿，同前者完全兩回事。

講咁耐我唔只係想講長江後浪推前浪，長毛嗰啲老鬼好心過主乜乜乜，而係即使你覺得自己支持個團體先係做緊實事，有幾多兄弟犧牲咗，個社會風氣同人心所向都係大部分人只會跟住「社運明星」走，而影響最大一定係國際輿論——最吊詭的是香港抗爭/前途好靠國際社會支持⋯⋯

重點：大眾要對自己支持嘅呢啲社運明星表達見到嘅問題，令佢哋去幫手處理一啲緊要事，呢班年青人亦要虛心聽支持者講乜，否則就只會變另類追星。

所以社運明星帶住九成人轉係唔係好事，就的確要睇吓香港人整體造化了。