https://hk.lifestyle.appledaily.com/lifestyle/columnist/%E9%99%B3%E4%B9%9F/daily/article/20191203/20817641/

和你黃 - 陳也



黃大仙黃晒值得還神，不過睇689「預約」出席自己曾經出言不遜、叫政府收返唔租的FCC論壇，就知689陣營有job等住做。區選投票前網民發現689狙擊泛民與素人的語調內容，跟欠藥國師一模一樣一個腔，神神怪怪，一嘢睇晒。建制仆直，神怪宗師火速蒲頭，特衰政府，必然向暗黑勢力灌輸火藥，在哪裏跌倒，在哪裏點火。160萬+選民與N個18歲以下年輕發夢者，萬事小心：

一，區選交棒隨時發生2016年立法會宣誓DQ的翻版。素人記住，守住選區，就是守住抗爭大本營。講三次，千祈咪做當日的梁頌恆。

二，地區是抗爭的龍門，前線個個是C朗，但我們不能沒有葉鴻輝。角色不同，團隊目標一致。再講人血饅頭，唔該照吓鏡，你個鬼樣，直播緊呀。

三，區議員有能力請手足，文宣號召，爆屎渠一樣搵到專才。從理大爬渠突圍成功唔係車大炮，民建聯蛇齋餅粽都得讓路。

四，黃難轉藍，相反藍甩色變黃，存在變數。雙順退休蛇陳x光攬949票敗選顯示，鬧曱甴嘅佢被兄弟放佢飛機。葉劉亡黨後連續兩天講特赦不可行（上次她說政府不能撤回送中，不久就暫緩）。素人訴心，社區部署，莫忘初衷。

陳也
電郵 :[email protected]