對抗爭陣營嚟講，今晚損失其實好慘重，好多市民被圍捕，甚至出現人踩人嘅事件。兇徒當然唔喺今晚先首次採取圍捕，但今晚卻喺做得最成功嘅一次。

自從中大保衛戰出現矛盾個刻，我就已經睇到一啲問題，不過我就冇直接講出嚟。不在其位，不謀其政，既然自己唔喺上前線嘅人（好老實，我唔喺），前線嘅行動就唔輪到我去理，我只理我自己位置上應該做嘅嘢就得。

今晚出嚟嘅市民其實都做到嘢，就喺分散部份兇徒嘅防守部署，令部份被困喺理大嘅勇武派能夠把握空檔成功逃脫。至於呢班前線手足點樣逃脫，唔好問我，我唔知，亦唔需要知。

我就唔評論今晚嘅事啦，我只想對好似我呢類多數現身喺中間或側邊嘅朋友講幾句：

第一，必須先諗好逃走路線。
唔好聽到個「走」字就上頭，以為叫你散水。而家打緊仗，兵兇戰危，盡量唔好比自己成為前線手足嘅心理負擔。當預先議定好嘅逃走路線被兇徒堵塞，就要打醒十二分精神；

第二，唔好屌警察。
除非你有心理準備同佢開拖，或者你身邊嘅人都同你一樣跑得好快，否則你撩慶咗警察，佢衝埋嚟，你走得切但你身邊嘅人走唔切嘅話，佢就會比你累死；

最後我想講，我一直以來都認為Be-Water，快閃戰，城市游擊戰與及task-based式突襲（有固定目標，例如獅鳥或裝修）先喺最適合香港人，同時亦喺最保護到自己嘅鬥爭模式，呢個諗法到今日都冇變過。








https://www.facebook.com/photo.php?fbid=10157638374164929&set=a.396735049928&type=3&theater