https://hk.news.appledaily.com/local/20191112/G25Q5TPVIXFPBRXOB4ZM5CIIV4/

理大生：我哋呢代變主流成就革命


理大生卓同學（化名）在校園地面噴上「港人報仇」字句。

【本報訊】理工大學昨日衝突在下午平息，平靜的校園內只剩「噹噹！噹噹！」的搖噴漆聲，清脆中帶點憤怒。身穿一身黑衣的理大二年級生卓同學（化名），默默地在地面噴上「學校已放不下一張平靜的書桌，理大人罷課」、「手足為你擋子彈，你願否為佢罷課」等字句。

卓同學表示，昨早上本來在家附近參與抗爭行動，但得知警察強闖理大放催淚彈，遂趕過來支援。

他稱害怕警察終有日會肆無忌憚地進入大學搜捕學生，「我唔知校長會唔會去保護我哋」。

警暴進一步惡化，卓同學形容警隊「已經入咗魔」。他昨日在家樓下，人們只是在行人路指罵，都被警員擘大眼指着大叫：「你再講就拉你喇！」有市民無故被捕，他曾嘗試上前理論：「做咩拉佢？佢犯啲咩法要拉佢？」亦險些因此被捕。


嘆道德感召失效變麻木

相關新聞：子彈卡脊椎 需割右腎1/3肝

昨日的抗爭，上街的大部份都是年輕人，效果亦不如8.5全港大罷工，他說是預期之內。他慨嘆身邊一些同學都為學業不願走出來，甚至身處平衡時空，「日日吃喝玩樂，上莊dem beat」，更莫講要為生計工作的大人。

他續指，港人數月前被黑社會襲擊、有人被射盲，都立即被道德感召出來，但現在開始麻木，「好似打針一樣，會有抗藥性，香港人見到越發生暴力、越多流血，慢慢呢種道德感召會失去效力」。他認為，港人不能只被動地被警察的暴行激發，必須自覺地知道運動的目標，「為咗之前付出過嘅人、我哋嘅下一代，一定要出嚟」。

卓同學表示，雖然昨日的三罷以至整個運動仍未見希望，但他不會放棄，會將眼光放遠，「真正嘅時代革命唔係短短幾個月成就到。一個時代嘅革命，係用一個時代嘅時間、心血同能量去拼湊。我哋呢代人慢慢成為社會上嘅主流，下一代嘅人仍然有我哋對於自由和民主嘅追求，幾代人都變得成熟嗰陣，先最有機會成就到呢件事」。

■記者關冠麒