HKGalden創意臺
發表文章發起投票回覆
【娛樂人物】二創抗爭歌苦中作樂 梁栢堅:林鄭衰到唔想寫
https://hk.entertainment.appledaily.com/entertainment/daily/article/20191110/20803415

【娛樂人物】二創抗爭歌苦中作樂
梁栢堅:林鄭衰到唔想寫


梁栢堅自嘲廢中,指自己現時最愛飲酒,靠二創抗爭歌曲來保持腦筋靈活。

現年43歲填詞人梁栢堅,自香港逆權運動以來,不時以二創抗爭歌幫大家苦中作樂。早前他在「黃店」接受《蘋果》專訪,食肆尚未開門營業,身為熟客的他自己開酒斟酒,飲完威士忌再飲瓶上有雨傘圖案的紅酒,一個訪問連乾三大杯,問他最想改詞唱衰哪個?梁栢堅說:「太多人太多團體,不過林鄭、葉劉嗰啲唔唱已經衰,連寫佢都唔想。」

撰文:余燕儀

攝影:仇志德

相關新聞:【蘋聞重溫】銀行主管改詞響朵

梁栢堅受訪時自嘲是廢中,連登都懶得上,他說:「好多人話我係連登仔,我唔係囉,我會睇嘅,我其實好懶post嘢,連登太快,我不如用真account post Ig,我又冇讀書又冇做嘢,一起身就上網,上到臨瞓覺,上晒網癮。」30歲轉行填詞的他最愛這份工,因為夜晚蒲完,第二天不用早起返工,以前玩世不恭的他,身處亂世惟有藉二創抗爭歌,幫大家苦中作樂。他說:「我本身個人低能,低能嘅人係冇目的,開心當賺咗,大家咁唔開心,如果大家有反應,令你舒服啲,已經係免費娛樂。」


梁栢堅稱《我說過要接你放學》僅用了搭車的十分鐘時間完成。


將兒歌《IQ博士》二創成《DQ博士》嘲笑何君堯,梁栢堅指越戇居越要唱。


越戇居越要唱衰

早前改編吳國敬《我說過要你快樂》成為《我說過接你放學》熱爆網絡,梁栢堅卻指自己沒接過「仔女」:「車牌都冇,成日喺度飲酒,點接。因為我啲朋友接放學,同佢飲開傾開,好多感人古仔,仲好笑有次同藍奕邦飲嘢,佢講咗句『我說過接你放學』,佢話好多年啦,因為𠵱家接放學有另一個含意,我話正喎,我偷你呢句用,第二日用10分鐘搭程車寫好。」最想改詞唱衰哪個?梁栢堅說:「嘩,太多人太多團體,嗰班人唔唱已經衰,我已經玩到悶,譬如林鄭、葉劉嗰啲,有啲人根本上連寫佢都唔想。有啲好笑,佢越戇居越要唱,其實唔係去整衰佢,係笑佢,X,你點解可以咁低能!何君堯都得意,有人畀條橋我《DQ博士》,用兒歌嚟玩佢,馬蹄露私了都好笑。」早前他就以謝霆鋒《非走不可》改歌詞去諷刺馬蹄露被「私了」。

相關新聞:陶傑指周梓樂死因有可疑


梁栢堅曾替杜汶澤的網台,改歌詞諷刺林鄭不知民間疾苦。


梁栢堅最近把盧巧音的《三角誌》改詞揶揄警方。

問梁栢堅身邊有沒有朋友站出來抗爭?他飲着雨傘紅酒笑說:「拉晒啦!咁講啫,抗爭唔一定用行動,可能文宣,一個短訊一張海報一份改詞一張改圖,可能令某啲嘢發生。」早前網上有一對抗爭情侶,戴着黑色口罩深情對望相擁的相片,梁栢堅借用張國榮《今生今世》的歌詞改成:「願意今生約定,煲底再擁抱」,他透露是在飲醉下寫的:「覺得嗰句幾正,之後有人用咗貼落葵芳連儂牆嗰度,可以煲底再擁抱同飲酒係好嘢。」


梁栢堅無酒不歡,在訪問未開始已開定紅酒自斟自飲。


有人將梁栢堅改編的「願意今生約定煲底再擁抱」歌詞,貼於葵芳連儂牆上。互聯網圖片


零工作不怕封殺

抗爭運動改變了很多人,梁栢堅說:「有時瞓唔着飲多少少,頂唔順你可以點,唯一可以令自己快啲瞓着咪飲吓嘢。」如何為這場運動盡一分力?他說:「我呢啲廢中,成日喺度指指點點,嘆少啲冷氣,出少句聲就最好。」黃到出汁的梁栢堅,仍有人搵他填詞嗎?他說:「搵我填海就有,X你老味,填乜詞。兩樣嘢,冇乜受影響,我本身冇工作,係零,本身少產量,呢排係全世界都少咗嘢做,電影同音樂都係,我有第二度嘢做,改詞囉,改詞冇收入,但係一個練習,幫個腦run緊。」

有害怕過被拉嗎?梁栢堅說:「以言入罪,甚至冇講任何嘢,企喺度樣衰都得罪佢,咁你拉我囉。」他笑言現在除了山頂區,每區都有機會被警察圍。家住港島區的他有否落樓鬧警察,他諷刺說:「我唔鬧㗎,我讚好警察,但未搵到。有次見到佢攞住支槍,但嗰度冇人,醉醉哋咁啱經過,對住槍管影shot,跟住諗番我都幾黐線,如果佢手指扣歪,我兜頭爆咗,飲醉酒行街係好得意。」

場地提供:心燒食堂
Good0Bad0
2019/11/10, 10:58:14 晚上
引用快速引用
本貼文共有 0 個回覆
發表文章發起投票回覆
請先登入以發表回覆