| 發表文章 | 發起投票 | 回覆 |
社會專題：自己手足自己救
https://hk.news.appledaily.com/local/daily/article/20191018/20789116
社會專題：自己手足自己救
逆權運動6月至今，警方已拘捕超過2,000人，被捕者遭制服後仍被打至頭破血流的警暴場面，令支持以武制暴的抗爭者越來越多。「和勇不分」各司其職，由文宣到示威現場有義務急救員、滅煙隊、火魔法師等等，更陸續出現「救手足」、「鶳」等情況，周日旺角示威者凌空飛腳踢警、救回手足的片段，更被網民視為「教材」，年輕人甘願冒上被捕風險，衝向警方速龍小隊勇救被捕手足，他們坦言當下十分驚惶，但對比自身恐懼，他們更害怕失去手足，香港會失去這一代人，因為香港人已不能再承受年輕人一個個被政權蠶食。
記者：龔蕙芝 林穎嵐 徐雲庭 周子惇
在尖沙嘴勇救手足的強仔坦言懼怕，但他不能承受眼前年輕人被捕失去前途。
周子惇攝
暴政下無底線 斯文社工「進化」
「其實胡椒彈槍，我哋唔係未食過，知道個痛楚有幾大……但你唔救，佢就一定俾人拉㗎喇」。曾在一次示威中勇救手足的衝衝子強仔憶述，當時有速龍小隊擎槍追捕示威者，其中一人被警員制服，本來與手足已跑離現場的強仔，聽到友人大叫「救人」，強仔不理或有中槍風險，二人電光石火間回身撞開警員，並拾起棍狀物亂揮，最後所有手足成功逃脫。
強仔直言該次救人經歷，早在腦海預演無數次，「同手足傾偈，每次見到有人被捕，我哋都好心痛」，故當眼前真的有手足被捕時，他們毫不猶豫。他直言這些想法在雨傘運動絕不會出現，「（以前）係唔會有暴力㗎喎，傘運放催淚彈係走㗎嘛，冇人諗過會執返丟返轉頭」。反之前線現已分工為結界師（設置路障）、滅煙隊（撲熄催淚彈）和火魔法師（投擲汽油彈）等，強仔亦隨社運發展進化成勇武前線。
滿身傷痕 竟遭父母篤灰
以進化來形容強仔絕不為過，他曾為外展服務的社工，接觸最多邊青，「就係勸導佢哋唔好暴力呀，要用溝通解決問題呀咁樣」。現為衝衝子的他苦笑，仍相信從大學學到的知識理論，溝通是解決問題方法，然而政權逼他一步步放下底線。
由7.1衝破心理掙扎衝入立法會大樓開始，強仔由和理非一步一步越企越前，由傳物資、搬路障、設傘陣抵抗，一直用大眾眼下的方式與極權抗爭，「8月之前係完全冇反擊、救人嘅concept（概念）」。直至7.21元朗恐襲，當時身在上環抵抗克警的強仔，事後才知元朗出事，此後他認為對抗手段卑劣的政權，必須放下底線，包括從警員手中救手足、私了藍絲施襲者等，「點解個民憤越嚟越高，係你做嘅嘢越嚟越離譜吖嘛」。
身形精悍、說話斯文的強仔全情投入這場社運，每周僅有一天假期都會出去示威，每次出門都當是最後一次，「（警方）用到真槍實彈嘅時候，你預咗隨時冇命」。無數次和警方衝突致滿身傷痕，一邊說一邊咳，咳嗽已持續逾月，「吸得（催淚）煙多」。惟父母卻沒心痛他，反透過警方WhatsApp熱線舉報他，由親戚口中得知事件後，他再沒與父母對話，幸至今未有警上門拉人，「好心淡，我係你個仔，如果我被捕會俾人打到飛起，你哋真係唔關心？」
在外抗爭或在家休息，強仔都處精神緊張狀態，甚至有抑鬱情緒，夜夜失眠，腦海出現自己被捕或遭警虐打畫面，但他漠不關心自身狀況，反而不斷提着心痛年輕人犧牲前途勇於抗爭。記者提醒，他也不過20歲出頭，「有個小朋友得12歲咋，佢着住件小童黃色雨褸，點解佢要去做滅火隊、救催淚彈呢？」強仔念念不忘在前線遇到那個蒙着面的12歲小孩，為了一個個比他年輕手足，他堅決不退，「我冇底線，只要有人肯同我一齊去，我就會去」。
W擔心被捕者會遭虐打甚至死於非命，這是他敢於衝前救人的動力。
大學生：出嚟嘅都係屋企人
同樣因7.21元朗恐襲而決心穿上Black Bloc、戴上full gear的20歲大學生W，也曾勇救手足。他憶述一次警方清場時與其他衝衝子殿後撤退，「有一個手足就俾其中一個警察捉到，跟住我哋幾個人一齊衝上去，撞開咗個警察，成功救到」。混亂間他忘記了拉扯的是手足還是警察，只記得當時腎上腺素急升，「係好驚，但我更加驚失去手足」。
「驚佢哋被捉走變浮屍」
救人不會次次成功，另一次失敗的畫面，W仍歷歷在目。當時在黃大仙逾50名防暴突然衝出龍翔道拘捕示威者，W和同伴終無法救回被按在地上的五名手足，他擔心被捕者會遭虐打，「我更加驚過幾日聽到呢個人浮屍水面」，說時W口有點震。
出身小康家庭，W父母是知識分子，同樣支持逆權運動，早於傘運已啟蒙他去了解政治，「係媽咪帶我去金鐘」。至反送中，家人也知悉他越企越前做衝衝子，「家人所謂嘅深黃，可能大家會覺得好幸福，但我每次出去之前，都會見到媽咪喺度喊」。一次他不忍母親擔心，輕裝外出做個和理非，但更多時候，他無法違背自己意願，「我好錫屋企人，但𠵱家走得出嚟（抗爭）嘅，都係屋企人。」說起父母，他多次落淚哽咽，但他更想保護外面的「屋企人」。
W更曾私了暴力藍絲，「佢無啦啦捉住個手足，我哋叫佢放手，佢都唔肯」。一個自小品學兼優的大學生，第一次私了打人，「其實我哋同被私了嘅人並無私怨，我唔明點解，我哋會俾呢個政權逼到要傷害對方，而唔係呢個政權出嚟承擔呢個責任」。
德國哲學家尼采說過：「當與惡龍糾纏過久，自身也會成為惡龍。」W深信同路人為性本善，即時有所謂的復仇心，也只是抗爭的動力，保護其他手足才是目的，「唔好俾仇恨支配，如果唔係我哋會變到同佢哋一樣」。他仍深信會有「煲底見」的一天。
一心畢業後投身教育界的W，知道如果這次失敗，會面臨大量清算，「可能會冇咗通識科，甚至再冇三權分立」。所以他今天站在前線保護手足，之後都會站在後方教育下一代，「到我老咗嘅時候，都會有新一代肯企出嚟」。
患克隆氏症的Media瘦至「皮包骨」，8.11被捕後更卧床休養至今。徐雲庭攝
88磅罕病男變「滅煙師」
患罕見腸道疾病克隆氏症的抗爭者Media，堅持在前線擔任滅煙小隊保護手足，早前卻不幸被捕，警員制服他時把其肋骨壓至骨折，又以膝狂鋤大腿及猛踢臉部，他被踢至眼鏡飛脫，鼻樑嚴重紅腫至擋住視線，傷痕纍纍，更遭送往「魔鬼囚室」新屋嶺扣留中心，拖延逾六小時才送院，至今卧床休養兩個月，更隨時被控非法集結罪。惟他無悔稱：「每個被捕嘅人都有佢哋嘅故事，我唔信只有我背後係咁苦，但就算代價咁大，點解仲要行出嚟？因為我哋想守住香港嘅未來。」
31歲的Media自7月參與反送中運動，10多歲證實患克隆氏症的他身體虛弱，高1.75米僅88磅，多次因腸道發炎需做割腸手術，但術後數月仍走到最前線。8月11日晚，他在美麗華商場外彌敦道與數百名勇武派設路障，他負責撲滅催淚彈，之後感難以呼吸，便跨過馬路石壆欲離開，卻被數名速龍小隊成員追捕，「打咗幾棍我就瞓低咗，有三個騎喺我身上，撳我塊面落地嗰陣，用腳踢落我塊面，想踢甩我面罩、口罩、眼罩同頭盔」。
「嗰刻我應該已經斷咗肋骨」。他被反手套上索帶及命令坐起身，遭警用膝鋤大髀，逼他蹲在路邊等近兩小時。他多次表明患長期病需送院治理，但沒人理會，警員更罵他是垃圾、廢青和暴徒，「又不停問我哋係咪收咗錢」。
被捕後休養 痛恨未能上前線
他於深夜與數十名被捕者遭送往新屋嶺，「好荒蕪，個倉好多蟲同蜘蛛網，得入口有一至兩盞燈，好暗」。倉內得一張石屎床及廁所，其間不時被警拍臉及恐嚇。因倉內沒燈，「根本睇唔到（口供紙內容）就要簽名」。影相打指模後，更發現同倉三名女手足失蹤。他於凌晨才被送到急症室，醫生問傷勢起因時，三名警員在旁監視，故他謊稱自己整親，「驚講錯嘢佢哋之後唔知點對我」。卧床休養時他連呼吸都感痛楚，亦感暈眩，未能上班，至今未康復。
「我𠵱家唯一後悔嘅係，點解咁蠢俾人拉到？我後悔𠵱家落唔到前線，要交畀其他手足」。他淚流滿面說現只能當冷氣軍師，在直播見有人中催淚彈，「就諗點解我唔喺佢身邊幫佢？我喺現場會唔會幫到少少手？」惟即使時光倒流，他仍會上陣。
上一則
上一則
蘋人誌：屬於每一個人的共同體 梁繼平
下一則
下一則
昨晚六合彩開獎結果
社會專題：自己手足自己救
逆權運動6月至今，警方已拘捕超過2,000人，被捕者遭制服後仍被打至頭破血流的警暴場面，令支持以武制暴的抗爭者越來越多。「和勇不分」各司其職，由文宣到示威現場有義務急救員、滅煙隊、火魔法師等等，更陸續出現「救手足」、「鶳」等情況，周日旺角示威者凌空飛腳踢警、救回手足的片段，更被網民視為「教材」，年輕人甘願冒上被捕風險，衝向警方速龍小隊勇救被捕手足，他們坦言當下十分驚惶，但對比自身恐懼，他們更害怕失去手足，香港會失去這一代人，因為香港人已不能再承受年輕人一個個被政權蠶食。
記者：龔蕙芝 林穎嵐 徐雲庭 周子惇
在尖沙嘴勇救手足的強仔坦言懼怕，但他不能承受眼前年輕人被捕失去前途。
周子惇攝
暴政下無底線 斯文社工「進化」
「其實胡椒彈槍，我哋唔係未食過，知道個痛楚有幾大……但你唔救，佢就一定俾人拉㗎喇」。曾在一次示威中勇救手足的衝衝子強仔憶述，當時有速龍小隊擎槍追捕示威者，其中一人被警員制服，本來與手足已跑離現場的強仔，聽到友人大叫「救人」，強仔不理或有中槍風險，二人電光石火間回身撞開警員，並拾起棍狀物亂揮，最後所有手足成功逃脫。
強仔直言該次救人經歷，早在腦海預演無數次，「同手足傾偈，每次見到有人被捕，我哋都好心痛」，故當眼前真的有手足被捕時，他們毫不猶豫。他直言這些想法在雨傘運動絕不會出現，「（以前）係唔會有暴力㗎喎，傘運放催淚彈係走㗎嘛，冇人諗過會執返丟返轉頭」。反之前線現已分工為結界師（設置路障）、滅煙隊（撲熄催淚彈）和火魔法師（投擲汽油彈）等，強仔亦隨社運發展進化成勇武前線。
滿身傷痕 竟遭父母篤灰
以進化來形容強仔絕不為過，他曾為外展服務的社工，接觸最多邊青，「就係勸導佢哋唔好暴力呀，要用溝通解決問題呀咁樣」。現為衝衝子的他苦笑，仍相信從大學學到的知識理論，溝通是解決問題方法，然而政權逼他一步步放下底線。
由7.1衝破心理掙扎衝入立法會大樓開始，強仔由和理非一步一步越企越前，由傳物資、搬路障、設傘陣抵抗，一直用大眾眼下的方式與極權抗爭，「8月之前係完全冇反擊、救人嘅concept（概念）」。直至7.21元朗恐襲，當時身在上環抵抗克警的強仔，事後才知元朗出事，此後他認為對抗手段卑劣的政權，必須放下底線，包括從警員手中救手足、私了藍絲施襲者等，「點解個民憤越嚟越高，係你做嘅嘢越嚟越離譜吖嘛」。
身形精悍、說話斯文的強仔全情投入這場社運，每周僅有一天假期都會出去示威，每次出門都當是最後一次，「（警方）用到真槍實彈嘅時候，你預咗隨時冇命」。無數次和警方衝突致滿身傷痕，一邊說一邊咳，咳嗽已持續逾月，「吸得（催淚）煙多」。惟父母卻沒心痛他，反透過警方WhatsApp熱線舉報他，由親戚口中得知事件後，他再沒與父母對話，幸至今未有警上門拉人，「好心淡，我係你個仔，如果我被捕會俾人打到飛起，你哋真係唔關心？」
在外抗爭或在家休息，強仔都處精神緊張狀態，甚至有抑鬱情緒，夜夜失眠，腦海出現自己被捕或遭警虐打畫面，但他漠不關心自身狀況，反而不斷提着心痛年輕人犧牲前途勇於抗爭。記者提醒，他也不過20歲出頭，「有個小朋友得12歲咋，佢着住件小童黃色雨褸，點解佢要去做滅火隊、救催淚彈呢？」強仔念念不忘在前線遇到那個蒙着面的12歲小孩，為了一個個比他年輕手足，他堅決不退，「我冇底線，只要有人肯同我一齊去，我就會去」。
W擔心被捕者會遭虐打甚至死於非命，這是他敢於衝前救人的動力。
大學生：出嚟嘅都係屋企人
同樣因7.21元朗恐襲而決心穿上Black Bloc、戴上full gear的20歲大學生W，也曾勇救手足。他憶述一次警方清場時與其他衝衝子殿後撤退，「有一個手足就俾其中一個警察捉到，跟住我哋幾個人一齊衝上去，撞開咗個警察，成功救到」。混亂間他忘記了拉扯的是手足還是警察，只記得當時腎上腺素急升，「係好驚，但我更加驚失去手足」。
「驚佢哋被捉走變浮屍」
救人不會次次成功，另一次失敗的畫面，W仍歷歷在目。當時在黃大仙逾50名防暴突然衝出龍翔道拘捕示威者，W和同伴終無法救回被按在地上的五名手足，他擔心被捕者會遭虐打，「我更加驚過幾日聽到呢個人浮屍水面」，說時W口有點震。
出身小康家庭，W父母是知識分子，同樣支持逆權運動，早於傘運已啟蒙他去了解政治，「係媽咪帶我去金鐘」。至反送中，家人也知悉他越企越前做衝衝子，「家人所謂嘅深黃，可能大家會覺得好幸福，但我每次出去之前，都會見到媽咪喺度喊」。一次他不忍母親擔心，輕裝外出做個和理非，但更多時候，他無法違背自己意願，「我好錫屋企人，但𠵱家走得出嚟（抗爭）嘅，都係屋企人。」說起父母，他多次落淚哽咽，但他更想保護外面的「屋企人」。
W更曾私了暴力藍絲，「佢無啦啦捉住個手足，我哋叫佢放手，佢都唔肯」。一個自小品學兼優的大學生，第一次私了打人，「其實我哋同被私了嘅人並無私怨，我唔明點解，我哋會俾呢個政權逼到要傷害對方，而唔係呢個政權出嚟承擔呢個責任」。
德國哲學家尼采說過：「當與惡龍糾纏過久，自身也會成為惡龍。」W深信同路人為性本善，即時有所謂的復仇心，也只是抗爭的動力，保護其他手足才是目的，「唔好俾仇恨支配，如果唔係我哋會變到同佢哋一樣」。他仍深信會有「煲底見」的一天。
一心畢業後投身教育界的W，知道如果這次失敗，會面臨大量清算，「可能會冇咗通識科，甚至再冇三權分立」。所以他今天站在前線保護手足，之後都會站在後方教育下一代，「到我老咗嘅時候，都會有新一代肯企出嚟」。
患克隆氏症的Media瘦至「皮包骨」，8.11被捕後更卧床休養至今。徐雲庭攝
88磅罕病男變「滅煙師」
患罕見腸道疾病克隆氏症的抗爭者Media，堅持在前線擔任滅煙小隊保護手足，早前卻不幸被捕，警員制服他時把其肋骨壓至骨折，又以膝狂鋤大腿及猛踢臉部，他被踢至眼鏡飛脫，鼻樑嚴重紅腫至擋住視線，傷痕纍纍，更遭送往「魔鬼囚室」新屋嶺扣留中心，拖延逾六小時才送院，至今卧床休養兩個月，更隨時被控非法集結罪。惟他無悔稱：「每個被捕嘅人都有佢哋嘅故事，我唔信只有我背後係咁苦，但就算代價咁大，點解仲要行出嚟？因為我哋想守住香港嘅未來。」
31歲的Media自7月參與反送中運動，10多歲證實患克隆氏症的他身體虛弱，高1.75米僅88磅，多次因腸道發炎需做割腸手術，但術後數月仍走到最前線。8月11日晚，他在美麗華商場外彌敦道與數百名勇武派設路障，他負責撲滅催淚彈，之後感難以呼吸，便跨過馬路石壆欲離開，卻被數名速龍小隊成員追捕，「打咗幾棍我就瞓低咗，有三個騎喺我身上，撳我塊面落地嗰陣，用腳踢落我塊面，想踢甩我面罩、口罩、眼罩同頭盔」。
「嗰刻我應該已經斷咗肋骨」。他被反手套上索帶及命令坐起身，遭警用膝鋤大髀，逼他蹲在路邊等近兩小時。他多次表明患長期病需送院治理，但沒人理會，警員更罵他是垃圾、廢青和暴徒，「又不停問我哋係咪收咗錢」。
被捕後休養 痛恨未能上前線
他於深夜與數十名被捕者遭送往新屋嶺，「好荒蕪，個倉好多蟲同蜘蛛網，得入口有一至兩盞燈，好暗」。倉內得一張石屎床及廁所，其間不時被警拍臉及恐嚇。因倉內沒燈，「根本睇唔到（口供紙內容）就要簽名」。影相打指模後，更發現同倉三名女手足失蹤。他於凌晨才被送到急症室，醫生問傷勢起因時，三名警員在旁監視，故他謊稱自己整親，「驚講錯嘢佢哋之後唔知點對我」。卧床休養時他連呼吸都感痛楚，亦感暈眩，未能上班，至今未康復。
「我𠵱家唯一後悔嘅係，點解咁蠢俾人拉到？我後悔𠵱家落唔到前線，要交畀其他手足」。他淚流滿面說現只能當冷氣軍師，在直播見有人中催淚彈，「就諗點解我唔喺佢身邊幫佢？我喺現場會唔會幫到少少手？」惟即使時光倒流，他仍會上陣。
上一則
上一則
蘋人誌：屬於每一個人的共同體 梁繼平
下一則
下一則
昨晚六合彩開獎結果
本貼文共有 0 個回覆
| 發表文章 | 發起投票 | 回覆 |