HKGalden影視臺
發表文章發起投票回覆
已錄影鏡頭全刪 《全民造星II》花姐直認 Cut走撐警劉美君
https://hk.entertainment.appledaily.com/entertainment/daily/article/20190922/20772822

已錄影鏡頭全刪
《全民造星II》花姐直認 Cut走撐警劉美君


《全民造星II》6月開拍時,由火火(前左)、劉美君及郭偉亮做導師。資料圖片

ViuTV王牌節目《全民造星II》將於下周一播出,再度擔任星級導師的劉美君早於6月已開工參與錄影,但怎料她因表態撐警,結果被網民圍剿,更聲言罷睇。有關方面眼見網民反應激烈,近日終決定飛走劉美君,改由陳潔靈頂上,監製花姐昨日出席《全民造星II》活動直認此事,更指劉美君已錄影的部份將全被cut走,無得留低。

相關新聞:【金馬影后】戀情多姿多采

首輯《全民造星》由劉美君聯同側田、郭偉亮(Eric Kwok)、火火及卓韻芝等擔任星級導師,由於反應理想,因此ViuTV開拍《全民造星II》時,邀請劉美君再次參與,她也一口答允。早在6月23日,劉美君與火火和Eric Kwok錄影第一集,當日還安排記者採訪,不過劉美君在6月30日於fb忽然公開表態撐警,將封面照片換成「阿Sir我撐你」字樣的照片,結果遭網民狠批。


劉美君6月尾在fb以「阿Sir我撐您」做fb封面圖片,被網民狠批後,兩度換相。


劉美君被《全民造星II》飛起,已錄影的部份也會全被刪走。資料圖片


傳正面訊息

雖然劉美君即改口聲稱自己不關心政治,又兩度更換封面照片,網民拒絕收貨繼續留言鬧爆:「咪X畀我喺ViuTV見到你」、「再有你出現,我決定罷睇」、「請遠離MIRROR,不要影響大好前途嘅年青人」等,反應相當激烈。近日有消息指ViuTV眼見劉美君因撐警激怒網民,決定飛走她,改邀請曾為無綫擔任4屆《超級巨聲》評判的「Miss Chan Chan」陳潔靈頂上,劉美君已錄影的部份也會全數被cut走,以平息網民怒火。

《全民造星II》將於下周一播出,昨日在奧海城舉行記者會,節目監製黃慧君(花姐)現身活動,即被記者追問劉美君是否被飛及cut走她已錄影部份?花姐對此直認不諱:「係,可以咁講嘅。」是否與她撐警有關?花姐欲言又止:「其實講真唔係好想今日講,我都想大家可以留意返我做嘅節目,《脫獨》、《造星》都係想傳遞啲正面同好開心訊息畀觀眾,唔想被其他嘢介入令到觀眾被direct(轉移視線)咗其他嘢度。公司同藝人合約細節唔想講太多,但我覺得我𠵱家嘅導師(火火、Eric Kwok及陳潔靈)係最適合,希望大家集中睇我哋嘅參賽者。」

至於劉君美被飛,是否真的與撐警有關?花姐則表示:「阿花係天不怕地不怕嘅,一個好嘅節目唔驚任何嘢,我對自己嘅節目好有信心,我目的係娛樂觀眾,係我做電視製作人嘅目標,我有信心唔會因啲乜嘢,而影響人哋睇我嘅節目。」

相關新聞:【撐警藝人】鍾鎮濤新戲預告刪剩兩秒


花姐昨日出席活動直認導師換人,並指節目是希望可以傳達開心、正面的訊息。


曾為無綫《超級巨聲》做評審的陳潔靈,將擔任《全民造星II》導師。資料圖片


換人冇影響

花姐聲稱自己跟人合作不會考慮對方的立場,自己私下跟劉美君是朋友:「如果喺唔同立場係有溝通嘅,但工作上冇提。」花姐又表示《全民造星II》已錄影至一半,換人對節目進度沒有太大影響。

《蘋果》昨日就劉美君被飛一事,聯絡她及其所屬的唱片公司環球,但他們均表示:「沒有回應。」而劉美君在fb表態撐警被網民圍剿後,已甚少談及政治,但在上月6日她突然上載一則由黃霑撰寫,題目為「真民主與假民主」的舊剪報,她有感而發說:「Thinking of you,霑叔,大頭妹好掛住你呀!好懷念你還在的日子!」

採訪:卓寶花
攝影:仇志德靈

下一則
下一則
【金馬影后】戀情多姿多采

【金馬影后】戀情多姿多采
【撐警藝人】鍾鎮濤新戲預告刪剩兩秒
《造星II》冇獎金
Good0Bad0
2019/09/22, 9:08:24 晚上
引用快速引用
本貼文共有 0 個回覆
發表文章發起投票回覆
請先登入以發表回覆