https://hk.news.appledaily.com/local/daily/article/20190821/20753026

7.21恐襲 血仍未乾


張先生7.21當晚背部被打至傷痕累累。

白衣人、藤條、西鐵站，7.21晚上的畫面相信在很多香港人腦海中揮之不去。有受襲者被打至皮開肉綻，傷口現時仍未完全復原，不能長時間站立、手亦無法握拳；亦有受襲者稱「心理創傷大，見到白色衫嘅人都會怯一怯」、不敢踏足元朗。但對他們來說，這個月來，兇徒仍未繩之於法、無人被落案檢控、警方冷處理事件、39分鐘論、還有多區再次出現暴徒襲擊反送中人士事件，更令他們痛心。有受襲者指事後警方稱需重聽當日所有報案電話才可開展錄口供程序，形容警員錄口供「選擇性記錄」，而至今仍未就此落案起訴任何人，明言不排除控告「一哥」，希望可就事件討回公道。

記者︰周詠雯

「我當晚唯一可以做嘅嘢，就係（在西鐵站）望住個窗，睇吓有冇警察嚟，但係到最後警察都係冇嚟到。」7.21其中一名受襲者梁先生，手、頸及後腦均有傷。遇襲後回家因頭暈頭痛，需召救護車入院。梁先生指現時手部「㩒落去仲痛，有啲痹」。除了身體受傷，梁生的心靈亦受害，「你會好敏感，唔知邊啲人係正常，邊啲人會打你」。當日到元朗和朋友「飲嘢」的他，兩星期沒有到過元朗、遇襲後一個星期亦無踏足西鐵。

相關新聞：行兇導遊屢赴撐警活動：我想打暴徒


手肘縫八針，傷口已埋，但未能握拳。


頭部被打傷的馬先生力斥警方縱容為惡者。


心靈受創 轟警方hea查

事件發生後，梁生獲朋友送贈長遮及鼓棍傍身。「其實去到𠵱家都要拎㗎！」雖然傍身物品不再是鼓棍長遮，但梁生至今仍習慣在袋內放入「大件嘢」，以便再次受襲時可舉袋抵擋攻擊。訪問當日，梁生袋內就放有一對鞋，「有時候可能係電腦可能係書，因為你真係唔知幾時會有呢啲事情發生」。

梁先生在事發後數日獲邀錄口供，但他指警員只是選擇性記錄，「我講『有人喺閘外面打人、白衫人打人，有啲乘客就開水喉驅散佢哋』，但佢寫嘅版本就係『見到一班白衫人，然之後開水喉射向佢哋』」，形容「將中間啲前因後果skip（省略）晒」，批評警方處事不專業。

另一名在7月21被襲的張先生，當日頭、手、背、腳均被打傷，當中手肘位被打至爆開，需縫八針。居於元朗的張先生，受襲後兩星期「都唔係好想搭西鐵」。一個月過去，張生現時「左手係揸唔到拳頭、發唔到力」；左腳亦無法長期站立及長時間走路，張形容「係未可以正常使用」。張批評警方稱接報後39分鐘才到達現場，至今仍未解釋清楚事件。「由六點鐘開始已經有好多人通知警方會有事發生……但係佢哋選擇坐視不理」，張直言「好憤怒」，又反問警方只拘捕20多人，「點解只係非法集結罪？」

同樣被打的馬生，手和頭均被打傷，手掌及手臂均有大面積瘀傷。「真係好難想像香港呢個咁現代嘅社會會發生咁嘅事」，可惜襲擊事件接二連三，馬生認為與元朗恐襲被冷處理有莫大關係，「警方咁樣縱容，先會令到為惡者肆無忌憚」，並強調自己堅持追究政府及警方，同時希望向警方索償，「唔係為自己，係為咗成個社會」。


擬告一哥 還受襲者公道

截至8月19日，警方就元朗恐襲一案拘28人，暫未有人被起訴。梁先生道：「呢班人有晒片、手持住武器，你竟然唔拉佢哋。」他批評警方處事不公，不排除控告警務處長盧偉聰，希望還受襲者一個公道。

相關新聞：《信報》女記者骨折肺傷

上一則
上一則
屯門full gear默站 抗議香港不安全

下一則
下一則
告警務處長難度高

行兇導遊屢赴撐警活動：我想打暴徒
《信報》女記者骨折肺傷
心理專家：社會情緒亮紅燈
男傷者縫七針：疑兇曾踩線
警hea查 靠街坊洗樓搜證
300居民促管理處交代
元朗恐襲零檢控 縱容施暴者
屯門full gear默站 抗議香港不安全
告警務處長難度高
市民今接力控訴放生元狼
南邊圍依舊冇王管 天羅地網佈防
監警會聘外援無助查真相
梁定邦促撤法 不反對獨立調查
【話你知】英警槍殺黑人變騷亂
大批親共傳媒罕有採訪
Twitter清洗20萬中國五毛
官媒發功：違美國憲法
京借學者放風：港制度要二次回歸
紐時：空投催淚彈可奪命
華府年售港60萬件武器 議員叫停
爆眼少女出院休養 右眼可感應光
廣東台站長影記者容貌傳微信
新屋嶺31被捕者求醫 6人重傷
公安疑西九拘英領館職員
澳門默站港人獲釋 斥中聯辦黑手
光復沙田 示威者涉襲落單警
內地漢美領館噴漆 判囚四周
教育局發信圖阻學界罷課
建制團體狙擊利君雅
叫香港人加油 國泰機師被辭職
生意跌賴示威 洲際逼放無薪假
闖連儂牆斬3人 藍絲就擒