https://hk.lifestyle.appledaily.com/lifestyle/columnist/%E9%99%B3%E4%B9%9F/daily/article/20190820/20751961

砌鳩香港 - 陳也




唐唐領軍的撐警會，主持人濕身極high，以走音鄉腔大喊「拒絕攬炒！砌鳩香港！」冇搞歪，高呼砌鳩代替齊救，明邀隔籬駐港部隊出招。砌鳩香港，呼應「十分鐘就到」的深圳武警，「后果自負」！地產商柒住刊登全版廣告之後，以九倉父子為首，蒞臨撐場，明為齊救香港，實則守護子孫春袋！冇辦法，黃台之瓜，弱如陰囊，武后林奠，殺精絕種，唔驚就假。

解讀砌鳩，元朗指揮官落閘轉身拍埋鄉黑膊頭，需要39分鐘到場。香港命脈，被砌到斷筋爆眼，十分鐘搞定。元朗白衫與北角富臨皇宮福建幫，時間多的是，搞足成晚，荃灣眾安街的鄉里刀手，與黑警兄弟配合精準，斬斷青年腳筋後，自稱見到深水埗無人空巷有threat所以催淚彈小放題的黑警，連刀手的鬼影也放生！這三區的地產市道，頓成砌鳩犧牲品，北角樓霸海璇一鳩見血，蝕住放盤，柒大地產富商點敢唔去添馬艦砌鳩打卡呢。國泰被砌到爆缸，白色恐怖蔓延，醫護教育傳媒排名不分先後等緊下一輪砌鳩。進出商場地鐵，預咗與椒彈嘟嘟、國安遍佈機場和你飛、你二千萬新居入伙的鄰居食福建大茶飯、孩子書包唔知幾時會被插竹嫁禍，到那個時候，無論乜絲，等住炒瓜。

陳也
電郵 :[email protected]

上一則
上一則
燒街衣？ (尊子)