成功之處在於，第一，和國際重申香港人對爭取自由嘅決心，於爭取國際支持十分大幫助。

第二，香港人經過香港政府嘅語言偽術，#香港警察 嘅暴力，黑社會恐怖襲擊，中國武警嘅武嚇，中國政府嘅謠言、分化同恐嚇，依然有二百萬人出嚟，代表中共所有手段均對香港人無效。

第三，香港人係過往兩個月用過唔同抗爭手法，由擠提換美金，到聯署，遊行集會，癱瘓公共交通，以至衝擊政府建築物，當中有具爭議性，亦有畫面難看嘅手段。但係今次兩百萬人出嚟，正正表示包容甚至支持以上所有手段，為勇武抗爭給予最強大後盾。

遊行示威等同閱兵，向政府展示力量鎮懾政府，若再唔滿足訴求，遊行嘅人就會採取行動。過往71遊行行完就會返屋企，毫無震攝力，但今時今日嘅遊行示威嘅人，之後會以多種抗爭手段對抗政府，所以具有威嚇力。

今次遊行係一個逗號，大家互相激勵士氣，為下一場抗爭準備。


https://www.facebook.com/hotin.chan.9277/posts/10158675603340130