首先好少港產片請我睇優先場，其次好少請我睇港產片我真係會去睇！雲海

首先好少港產片請我睇優先場，其次好少請我睇港產片我真係會去睇！咁呢套我去咗睇，原因首先係講香港販毒內容我有興趣，其次我想睇邱禮濤點樣衝爛晒港鐵站！

你話好唔好睇呢？其實我都收貨，首先佢哋真係有做資料蒐集，唔再好似其他爛港產片講毒品來源係金三角而係講毒品來自金新月，咁就正確啦！其次港鐵站撞得非常之好睇，爭在未撞死馬時亨！

可惜！但同行好朋友港台主持Zeno就認為好老土橋段好80年代，不過我承認有啲過鏡、劇情以及對白係老土左少少！

不過有樣嘢想提，一開場果幕嘅劉德華，真係好鬼死似周國賢！其實若果呢套戲唔係搵劉德華同古天樂做，而係搵周國賢同許廷鏗做呢兩個角色，我會覺得好睇好多！

（其實我一路認為許廷鏗扮演奸角會係好好睇！）