https://www.hkcnews.com/article/21587/%E9%80%83%E7%8A%AF%E6%A2%9D%E4%BE%8B-%E4%B8%8D%E5%90%88%E4%BD%9C%E9%81%8B%E5%8B%95-%E7%A8%85%E5%8B%99%E5%A4%A7%E6%A8%93-21587/%E5%8D%83%E7%A5%88%E5%94%94%E5%A5%BD%E5%A4%B1%E7%84%A6

眾說
千祈唔好失焦
撰文: 周日 | 發佈日期: 25.06.19

請支持《眾新聞》，成為訂戶

一個彈丸之地香港嘅69、612同埋616事件成為國際新聞，使到宗主國一向強調支持香港特區政府「依法施政」，無法獲得引渡逃犯條例通過，因為一班豬一樣嘅中央及香港官員狂妄自大，以為香港跟大陸一樣「說了算」。大陸只有強權，沒有公理嘅國情，喺今次事件一目了然。

雖然最近幾次震驚國際嘅和平遊行和抗爭，使國際注視、使台灣看清楚「一國兩制」嘅醜陋面目，更使澳門驚醒十年前通過嘅23條原來唔夠辣，但大家抗爭之路仍然艱巨。

在621包圍警察總部事件睇出，自國教事件、雨傘運動後，新世代對社會運動嘅睇法改變很多，相信亦喺自身思考和判斷能力突飛猛進嘅緣故。簡單講就喺大台嘅作用越來越小。睇黃之峰在621呼籲投票留定散就明白。

冇大台一方面喺好事，另一方面亦喺壞事。好事喺為咗一個共同目標，大家自發凝聚在一起，不用太多嘅宣傳號召，動員能力龐大，因為大家有共同嘅目標，唔喺因為那個黨嘅魅力。

壞事喺很容易變成一盤散沙。睇中共當年雖然喺打游擊戰，但佢哋都有一個核心人物毛澤東同埋組織，終於共產黨統治中國並把國民黨趕到台灣。


一批年輕示威者昨天堵塞稅務大樓，試圖以癱瘓政府部門工作來迫使政府，回應撤回逃犯條例和獨立調查警察暴力的訴求。美聯社

雖然好憎葉劉，不過佢講嘢有時都有啲啟發性。昨天佢話唔贊成將字眼「暫緩」改為「撤回」的理由喺，新世代圍堵稅務大樓同埋入境處大樓與修例無關。佢雖然唔啱，但唔錯得哂。

嚴格嚟講五大訴求嘅焦點只有三個：撤回、取消612暴亂定性，及林鄭下台，所以大家必須對症下藥。針對撤回應該喺政總，針對「奴隸蔥」612警察射人同暴亂定性要喺灣仔警察總部，針對林鄭當然在特首辦同埋禮賓府。

做任何事情想成功必須得到大部分人同意，林鄭失敗就喺因為佢做事唔理人。昨天（24日）圍堵稅務大樓時，有個女市民話：我幫人報稅，我要養屋企，我冇你哋咁得閒！

喺噃，阻住人搵食好有問題、好容易失分。如果港奸請班人去稅務大樓，話幫人報稅，話要幫人攞返份租約，否則冇飯開，咁就會令到原本同情嘅市民遠離，想再動員二百萬人展示力量就很難喇。

所以呼籲新世代千祈唔好失焦，否則有招變「吔（jaa3）蕉」。

一於明天26號晚上8時愛丁堡廣場見，一齊亮起手機燈向G20峰會展示香港正義之光！


請加入成為眾新聞的月費訂戶，長期支持我們的工作。所有訂戶都可以收到我們的「每周時事」通訊 。

月費訂戶網址：hkcnews.com/aboutus/#subscribe

博客 | 周日
【周日・不是星期日】愛每事問，相信宇宙不是偶然形成、萬物不是偶然出現、事情不是偶然發生，一切「相」的背後必定有其真相。