【師兄你點睇】獨家為《蘋果》評馬！前騎師賴維銘第三場有心水 #賽馬


賴維銘不再做騎師，轉而替《蘋果》獨家評馬。


賴維銘指第三場以閃耀榮光（紅帽）最強

記：《蘋果》記者吳文輝 賴：前騎師賴維銘

記: Eddy，多謝你為《蘋果》獨家評馬。其實你沒有騎馬都幾個星期，之後更宣佈退休，每個朋友都說你這麼後生肯定會悶，其實你自己又點睇自己呢？

賴：Raymond，你識我咁耐，都知我份人有啲「宅」，鍾意陪屋企人多過出街。以前做騎師，朝早操完馬之後就回家休息，下午就開始做吓功課，研究吓自己有份參加嘅場次形勢，知己知彼，希望可為座騎爭取最佳機會。現在雖然唔做騎師，但《蘋果》邀請我執筆，分析吓賽事形勢，總算做番老本行呢！

Raymond: 星期六（18日）賽事唔少人焦點都放喺尾場二班1600，事關幾匹質新好馬如「勝得精彩」、「最合拍」等都會同場較技，你又點睇呢場賽事呢？

賴：其實唔止你講嗰兩匹，「勁無比」及「繽紛遊戲」等都有相當高嘅實力，不過數到強中之強應非「勝得精彩」莫屬。「勝得精彩」至今五戰全勝，點犀利相信大家都知，不過今次要讓其他對手磅，單是一匹「最合拍」就受讓17磅，「勝得精彩」贏馬難度一定有。

不過呢匹蔡廐馬（「勝得精彩」）連捷過程都並非容易，初出兩場跑谷戰已是考驗，其後轉戰沙田又常排外檔，可幸此駒冇乜口，上場莫雷拉沿途畀住，入直路一騎即有，輕取「信心保證」，在騎師立場是非常聽話之馬，睇走勢相信增程冇難度，而且有幾多分在手尚未知，絕對讓得起其他對手。

Raymond: 好奇怪潘頓呢場冇馬騎，可能係造唔到磅騎「最合拍」啦！至於其他場次你又有邊匹馬比較喜歡？

賴：第三場的「閃耀榮光」，我認為都有機會打開勝利之門。此駒上場跑1400米表現令人失望，賽後獸醫又搵唔出原因，我亦無謂猜測，不過睇番此駒頭兩場跑1200米，沿途都走外叠形勢相當差，仍能交出良好後勁，如非際遇欠佳，相信早已勝出。

今場排檔並唔理想，不過論實力絕對是全組最強一匹，希望換人騎可有所幫助。
---------------------------

【六四30】守住歷史 拒絕遺忘
https://hk.adai.ly/zdzKtt2RiW

上一則
上一則
【華為危機】美國封殺有轉機？ 商務部或發臨時通用許可證

下一則
下一則
【短片】【反擊美人計】直擊苦主局中局 倫敦金美女喊住求情