HKGalden學術臺
發表文章發起投票回覆
就業語言
https://hk.lifestyle.appledaily.com/lifestyle/columnist/左丁山/daily/article/20190502/20668586


就業語言 - 左丁山




陳惜姿在專欄講在復活節假期要填寫中學派位表,好緊張。所有學生都可以入到中學,家長之所以緊張,係驚住子女入唔到EMI(英中),因所有英中都係Band 1學校,零舍馨香,如果唔介意子女讀中中,就完全唔駛緊張啦。住在沙田,其實入讀英中機會較好㗎嘞,4900名升中生爭967個英中學位,比例係5.1,深水埗係7.7,荃灣7.2,最低嘅地區係灣仔2.4,中西區3.6,最高係南區12.6。南區居民咪最驚?之不過南區有不少國際學校,富有子弟唔會同普羅市民學生爭位啩,中西區、灣仔區係全港家庭收入最高地區,樓價極高,入EMI容易可能係一個推高樓價因素。

大概因為逃避升中抽籤派位,逃避DSE之死亡科中文,愈來愈多學生入直資學校攻讀IB課程,變相放棄中文。除咗英語之外,點都要多修一科語言啩?法文從來都係富有子弟嘅第三語言首選,法國文化協會之法文班常滿,有沙田家長在沙田搵唔到學額,每星期要帶子女到炮台山學法文。其次呢,似乎係西班牙文,左丁山之寫字房位於中環某條橫街丙級商廈,大廈內有西班牙文及英文補習社,只見每日好多名校學生到補習社上課,皆由家長或菲傭陪同。補英語唔奇吖,何解西班牙文補習社/學習班都有咁多學童(七、八歲至十三、十四歲)就讀,除咗係考IB之外,諗唔到有其他理由。

孩童細細個就修讀英文、法文或西班牙文,仲有冇時間讀中文呀?睇嚟會差啲咯,如果兒女唔識中文或中文程度差,家長要負責任,要諗清楚至好。一個全球就業網站最近做咗一個英國就業語言調查,訪問英國僱主,問甚麼語言對搵工最有幫助,發現專找懂得德文法文嘅職位最多,一百萬有1200個位(即0.12%),識中文(國語及廣東話)排第三,西班牙文排第四,懂日文排到第八。以三年來總增長率計,需要懂中文嘅職位增長最勁升35.3%,德語職位升11.5%,法語升1.17%,西班牙語跌9.5%,日語跌3.78%,阿拉伯語跌21.74%。英國僱主發現,就業語言當然以英語最重要,但要對雙語甚至三語嘅需求愈來愈大,英國教育系統完全落後於形勢,難以培養學生熟習第二及第三語言。(CNBC刊原文:The top foreign language that UK employers want you to have)。嗱,香港家長要聽嘞,英國情況如此,美國何嘗不然,任由子女放棄中文,兒女長大後搵工可能怪責阿爸阿媽!

左丁山
電郵 :[email protected]

上一則
上一則
後八聯心理創傷症 (陶傑)

下一則
下一則
為一毒瘡,全身化療 (李碧華)
Good0Bad0
2019/05/02, 7:49:04 晚上
引用快速引用
本貼文共有 0 個回覆
發表文章發起投票回覆
請先登入以發表回覆