https://hk.entertainment.appledaily.com/entertainment/daily/article/20190426/20664191

拍ViuTV休息時間正
秋官唔介意無綫小器


秋官比較兩台的分別，坦言在ViuTV工作有休息時間。

【娛樂人物】鄭少秋（秋官）和陶大宇主演的ViuTV劇集《詭探前傳》被視為秘密武器，將於大後日首播，對於今次對撼無綫，秋官直言：「無綫知我唔介意，佢都唔介意。」笑稱想法有點自我催眠，「丁蟹」上身的秋官笑說：「我又歪理喇！」

撰文：黃曉妍
攝影：陳俊強


大宇在劇中想逼秋官用法術制止自己。
劇照

鄭少秋和陶大宇日前為《詭探前傳》在九龍灣接受訪問，在劇中飾演哲學宗師「彭百川」的秋官，是警隊第七行動組顧問，解決各類靈異事件，秋官表示首次接觸扶乩，才知道需要唸咒語：「當時好似離開咗自己身體咁，好似上身咁，神靈降體，呢啲係我從未接觸過，因為講我係大師，所以一定要熟，淨係念都念到我頭都爆，不過我好有興趣做呢個戲就係咁解囉，越做越有興趣。」


大宇在新劇中有兩個身份，一到天黑就變成另一個人。

大宇唞兩周

大宇透露其角色要給人一種壓迫感，與秋官對立：「係又鬧，唔係又鬧，今次角色嘅設計都幾正，幾特別，講我日頭係中醫師，唔係行騙，真係救濟好多人，但一到天黑就變咗另一個人，我唔係撞邪，同鬼怪冇關，只係我有兩個身份，其實係想逼秋官用法術去制止我，呢個係幾過癮。」

今次掉轉槍頭硬撼無綫劇集《鐵探》，會否擔心無綫小器？秋官說：「無綫知我唔介意，佢都唔介意。」這個想法有點自我催眠，秋官猶如「丁蟹」上身笑說：「我又歪理喇！」他先後與ViuTV及無綫合作，認為兩台有何分別？秋官說：「ViuTV安排嘅休息時間係最正，而又拍得好仔細，開心囉，我哋都係想咁箒，以往最大困擾就係唔夠休息。」大宇說：「我拍兩日就瞓兩個禮拜，咁先好，如果日日開，嗌到我啞呀！」


對白記到儍

大宇指和游學修、陳安立及麥子樂幾個新演員合作，他們很勤力：「有時我哋輕鬆吓、玩吓，佢哋唔睬我哋，佢哋好投入。」秋官說：「你估諗住做『蟹仔』嘅時候咁，嗰陣時我心諗你哋玩還玩，最緊要畀番尾句我接。」大宇說：「當時你唔玩得，你咁多嘢要應付。」秋官回想當年演「丁蟹」：「已經儍咗㖭啦，

上一則
上一則
楊潮凱唔做無綫親生仔

下一則
下一則
吳浩康戀崔碧珈：見過佢媽咪