https://hk.news.appledaily.com/local/daily/article/20190424/20662753

「當年只能信聯合聲明」


六四兩周年大遊行，李柱銘是其中一名領軍人物。

1989年六四事件發生後，港人在電視前看到中共屠城暴行，對九七年香港回歸信心再次瀕臨崩潰，李柱銘直言面對當時局面，由於港英政府已表明不會讓香港獨立，在沒有選擇情況下，他只能將希望寄託於為香港爭取真正民主選舉，中國政府會遵守《中英聯合聲明》中對國際社會的承諾，無奈中共30年來卻越來越走向專制，甚至不惜違背《基本法》、一國兩制，不斷干預香港內政，令香港走向「一國一制」。


相關新聞：無悔退出《基本法》草委

斥特首未為港人把關

今天不少年輕人質疑民主派為何相信中共，認為香港可以有民主回歸，李柱銘在訪問中也承認，六四事件發生至今快30年，連他也預計不到，今日的中共會走回頭路，變得更專制更獨裁，「我估唔到（中共）呢幾年變得咁快，同埋去得咁盡」，當年身邊很多朋友都勸他不應相信共產黨，但問題是當年根本沒有選擇，「如果唔信又點呢？」他解釋，當時港英政府早已表明，不會讓香港成為獨立國家，民主派當時餘下的選項只有「一國兩制」，「咁我哋接受定唔接受呢？我嗰時係決定接受」。

其實李柱銘也不是完全相信中共，「當然你話我信唔信共產黨呢？老實講，睇到共產黨咁多年、咁多嘢，好難話我信到佢十足」，他相信的是北京會遵守《中英聯合聲明》這份國際協議，「因為今次係一個國際協議，定出中央政府對香港的基本方針政策，聯合聲明咁清楚寫出嚟，再喺《基本法》列出嚟，雖然未通過，但我知個過程，好多都照實寫出嚟」。

不過李柱銘當年已感到，《中英聯合聲明》、《基本法》內的「一國兩制、港人治港、高度自治」，「係可以做嘅，可以成功嘅，不過我話好難」，李口中說「好難」成功的原因，在於要北京肯自我約束不干預香港內部事務，以及香港一定要有民主，無奈北京近年已違背承諾，以「全面管治」取代「高度自治」，「𠵱家最傷香港，係2014年嗰個白皮書，話中央對香港係有全面管治權，咁本來畀咗特區嘅高度自治權去咗邊度？呢兩樣嘢唔可以同時有，所以𠵱家跟住一件一件嘢發生，就係中央要落實全面管治權，問題咪出嚟囉」。

李柱銘又批評包括特首和建制派議員也未有為港人守住崗位，只聽從北京指令行事，逐步侵蝕香港，令香港走向「一國一制」，「大灣區咁重要嘅嘢，將香港吞咗入去廣東省南部，九個中國城巿加埋港澳兩個特區，咁樣食咗我哋入去；再先一排，一國兩制變咗一地兩檢，喺九龍高鐵站，個火車一路入嚟，就係用中國法律入嚟，嚟到我哋個終點，就變咗一國一制，就好似支矛咁拮落嚟我哋嘅中心，跟住喺出面就食咗、包圍住我哋，咁樣搞法，我哋個特區政府做咗啲乜嘢？有冇人話睇清楚先？有冇問過香港人啊？全部都冇！」

■記者林俊謙、莫劍弦

上一則
上一則
六四30年：平反路遙不氣餒 李柱銘：中國點可以冇民主

下一則
下一則
無悔退出《基本法》草委

無悔退出《基本法》草委
他們曾說過……
六四30年：平反路遙不氣餒李柱銘：中國點可以冇民主