話說琴晚一連出咗兩篇鋪去鬧金像獎頒發最佳導演最佳編劇最佳電影比「無雙」！

沉澱咗一晚，今朝起身覺得或者我真係怪錯咗電影同埋金像獎，可能只不過係佢哋將一個好血淋淋好到肉嘅現實透過電影話俾我哋香港人聽！

其實電影咩叫做「無雙」，即係冇「一國兩制」囉！

只有一無二，電影講述嗰個充滿幻想力嘅郭富城一路幻想一個作風大膽處事瘋狂嘅大佬，自己又不斷製造偽鈔美金去賺大錢，美金代表咩？

可能就係代表西方價值觀、資本主義社會、個人主義、人權主義、司法制度.....等等！

電影話俾我哋聽，偽鈔嚟嘅咋！

翻版㗎、模仿嘅咋！

正如套電影，左抄「非常嫌疑犯」、右抄「博擊會」、中間又加少少God Father......

都係想投射話俾你香港人聽，一個兩制假㗎、高度自治假㗎、中英聯合聲明係周潤發嚟㗎！

唔存在㗎！

你地繼續幻想啦！冇真正嘅資本主義人權法治㗎！

我哋只不過係作一大炸嘢想繼續賺錢搵水之嘛！

正如郭富城一開始係警察局裏面講，你地唔可以搵到個真相㗎，你地全部都會死㗎香港人！

為完美配合電影嘅投射，金像獎咪搵晒幕後啲大陸投資者上台廢噏囉！

話俾你聽真正話事人係大陸人唔係你哋香港人，之後搵個完全同電影專業無關嘅林鄭月娥出嚟頒獎，代表大陸係搵個傀儡特首喺度做場戲俾大家睇，球證旁證裁判都係我四哥，我地梗係贏緊啦！

再將多個重要獎項頒獎俾無雙，投射一個道理，我哋有權有勢嘅人就算知道佢係抄襲嘅係偷人野嘅係模仿西方電影嘅，都可以攞獎仲要係攞最高榮譽嘅獎，你班香港人就識玩啦！

收聲啦！今朝一起身我突然間明晒喎！

幾血淋淋啊！多謝無雙多謝金像獎！多謝一個一制！多謝中國共產黨啲美金係假㗎！

！個劇本係抄返嚟㗎！周潤發係唔存在㗎！香港人死心啦！

Ps不過套電影嘅結局係郭富城搵大陸嘅人去假扮證人幫佢甩身，最尾咪又比大陸人殺死咗囉！預言你㗎！





https://www.facebook.com/CHANWANHOI/posts/2635353666506751?__tn__=H-R