| 發表文章 | 發起投票 | 回覆 |
蘋人誌：大叔拒懷舊 潘源良
https://hk.news.appledaily.com/local/daily/article/20190201/20603782
2019年02月01日
蘋人誌：大叔拒懷舊 潘源良
「可以hea的話，不會郁……」葵涌一幢工廈裏，一個長髮大叔在高歌。「假使三張幾那怕登陸……」
歌名叫《誰明大叔心》，二次創作自王傑的《誰明浪子心》。新舊版本歌詞，都來自這個大叔。他是潘源良，今年剛好「登陸」，60歲。
最近羅致光說，當大家都有120歲命，60歲只是剛剛中年，社會一片譁然。潘源良亦然。「我經常見到的所謂大叔，可能已經失業，到中途話要搵救濟、綜援、申請公屋，甚至借錢、夜晚搵個地方瞓都有問題。」怎麼辦？《誰明大叔心》歌詞早已預告：「養老靠政府高官當一支小插曲／你有你講祗聽到佢又去僭建佢大屋」。
廣東話「登陸」有兩重意思，一是歲數踏入六字頭，二是上岸、唔使做。60歲的潘源良和好多香港大叔一樣，未上岸，繼續郁。「你問我點解仲唔退休？我答唔到喎。」最新搞作是二次創作音樂會。「係忙碌啲，但都慣啦。」
去年11月，潘源良與太太Rita、填詞人黃偉文、梁栢堅等慶祝六十大壽，席上點唱一首自己的作品——不是大眾megahit《最愛是誰》、《愛情陷阱》，而是他廿幾歲時為達明一派寫的第一首詞，《繼續追尋》。
「首歌的意味、精神，我希望可以繼續做落去。」
撰文：梁俊勤
攝影：黃奕聰
60歲潘源良去年9月迎娶拍拖一年的女友Rita。
諷刺時弊為自娛
潘源良新作名為《生炒廣東話之有辣有唔辣》，月中一連四場在灣仔壽臣舉行。辣的，無疑是貼地諷刺時弊那幾首，像食正「60歲中年」爭議的《誰明大叔心》、控訴「你我冇晒癮/皆因商家跟制度有路」的《狗竇陷阱》，還有改自兒歌《大笨象會跳舞》的《大白象》，罵高官權貴「你講一句OK就想KO我哋」，連立法會議員朱凱廸都share，立場路人皆見。
不過別誤會，音樂會的原意不是呼籲上街遊行反政府——當然你聽完有此志向，潘源良也歡迎。「所謂諷刺時弊，不一定要大家向住一個題目，諗有乜要跟進。」這場演出的起點，更似是與一班friend在自娛。
近10年，潘源良經常出席藝術家黃仁逵的「初一十五詩會」，一班朋友在街邊喝酒、讀詩、jam歌，即興創作。「有時他們玩一些大家耳熟能詳的音樂，我會諗，呢個音樂轉咗做廣東歌詞會點呢，整整吓就有一堆出嚟。」填詞人的創作，也不限於某時某地。「有日我們朋友聚會，食完飯落樓，講開某位仁兄如果被人拉咗會點呢，我已經諗，可以有隻咁嘅歌。」
「佢突然唱起，我哋突然咪演奏囉！」在旁的黃仁逵說，一切都是即興。
朋友聚會，今朝有酒今朝醉，旨在即時高興，不然拍片加字幕擺上網，大家睇完笑笑就OK，為何要公開演出？潘源良說，是為了廣東話。「二創是廣東歌其中一個獨特之處，以往可能好零碎，得一兩句，又不太認真。」像那些耳熟能詳的惡搞兒歌，甚麼「細路你老竇嘟嘟嘟」，與其散落民間，不如有系統整合成一場騷，「將對廣東話的感受，和現在面對的問題、挑戰等，一次過發揮。」
「想搵一樣無乜人做過、但又值得做的事。」
潘源良在演藝圈打滾三十幾年，編劇、導演、講波、填詞甚麼都試過，要找一件自己完全未做過的事，不太多。反過來說，食老本的吸引力，老實也不少。
畢竟大眾愛懷舊。潘源良上一次辦音樂會，是2015年的個人作品展。台上有林憶蓮、林子祥、譚詠麟、徐小鳳、關淑怡等，粒粒巨星，大唱上世紀八、九十年代經典金曲。紅館上萬個觀眾，琅琅上口，如癡如醉。
「有些後生以為我死咗」
這些年的香港，懷舊無疑是流行文化必殺方程式。大台的《流行經典五十年》添食又添食，一個個樂壇組合重出江湖。隨之而來是「樂壇新不如舊」論。例如年初陳詠謙獲得「叱咤填詞人金獎」，不少人狠批他填的歌詞（如「我現時自己肯做飯」）文法不通，跟一眾前輩相比，慘不忍睹。
「我相信每一個寫歌詞的人，都會盡力希望寫到一些代表到自己觀點、感覺、世界觀的作品。」潘源良倒很理解。「我寫詞的年代，都有人覺得，嘩呢句唔啱音，用呢個題材是偷雞，又有人鬧你寫太多情歌……每個年代，它的語文、廣東歌的變化係點，唔到我一個人去講。」
拒評，更因為他自言不喜歡懷舊。
「唔好意思，我覺得這是浪費時間，與其將情緒去了懷舊，不如睇吓怎樣繼續把將來和現在的事，做得好啲。」他一臉嚴肅。「個個都話八、九十年代點點點，反正那個年代大家都已經歷了，都要向前望。」
不喜懷舊是一回事，但無可避免的是，他自己也會變舊，不論是被懷念的，又或不被懷念的。
2015年，陳奕迅出了一張唱片，叫《準備中》。全碟歌詞由一個叫「袁兩半」的人包辦。最初有人以為有新人獲Eason垂青，但謎底很快揭盅，袁兩半即Yuen Leung Poon，潘源良是也。
坊間有傳，潘源良變袁兩半，是為怕樂迷一見其名就誤以為作品過時老套。當事人不置可否，「你都可以話係一樣gimmick。咁蹺覺得呢個名好有趣，咪玩吓啦，大家開心吓！」但他承認，在新一代眼中，自己或許已過氣。「有些後生可能以為我死咗㖭啦！」他想像年輕人的語氣，「可能我現在寫的詞，好多後生會覺得，老唔老套啲呀？又或者有無咁膠、咁懦呀？唔出奇喎，但我不可能判斷，亦不會判斷，咪照做囉，潑咗出去的水，不是我可以收得返。」
後生仔唔識，其實也難怪。近年潘源良詞作明顯減產，過去一年出版的歌詞加埋只有三首，有兩首蔡一傑，一首Gin Lee。更何況，今天香港年輕人大概更愛BTS，又或吳亦凡。
香港流行文化的世界一早變了。潘源良年輕的時候，一有新出的電視劇主題曲，馬上街知巷聞，「阿叔阿嬸又識，三歲細路也在唱」，新歌一在電台上榜，唱片舖已立即錄帶賣老翻。如今？觀眾各有各聽歌習慣，主流媒體的影響力正在減退—許多人不知道「最受歡迎女歌星」菊梓喬是誰，容祖兒的「song of the year」《心之科學》點唱？當然不是個個識。「冇咗所謂的megahit。好難有一首歌，通街都識唱。」
60歲兩個決定
今日潘源良未上岸，仍然想為歌手填詞，但他更明白音樂工業的生態。「新一代歌手，有一班他們認識、合作開的寫詞人，這是好自然的事。」他看得很開。「你問我com唔comfortable？如果咁我都唔comfortable的話，我咪好唔得閒？」
「反正寫歌是我的興趣，也始終有些人可以繼續合作。」他續說。「就算無人搵喇，譬如我今次咁，二創又如何呢？」
踏入60歲，這一年，潘源良做了兩大決定。
第一個，有睇娛樂版的香港人都知。去年9月他在加拿大與拍拖一年多、比他年輕17歲的Rita結婚。Rita是音樂人，下月音樂會她是樂手之一，負責彈琴。訪問當日她也在，排練一會有事先離開，潘源良叮囑了一句：「唔好跑呀。」沒有送她下樓，沒有goodbye kiss，卻有種老夫老妻的默契。「搵到一個可以一齊志同道合行落去的人，係好重要的。」潘源良對記者說。
再婚後，他的生活也沒大變。「因為佢都係一個創作和音樂的人，兩個人好多時都可以溝通、傾吓、又夾到，呢個係好重要。」或如他前年寫給Gin Lee的《緣．兩半》歌詞：「才明白每份緣自成兩段/我得到是一半/你得到亦一半/愛是緣全」。
第二個決定，大眾則未必關心。足球場上的潘源良，掛靴了。
創作上他不怎樣認老，仍舊我口唱我詞，甚至笑言「現在以120歲計，我們全部都年輕」。但球場上，他不得不懷舊。「我十幾歲跑你追唔到我啦。」察覺自己老去，不是一朝一夕的事。「四十出頭，我發現我跳起頂波的彈跳力，比起三十幾歲時已差好遠。人家唔知啫，你知嘛。」他苦笑。「好似以前武俠小說，學咗個絕世武功出來，但你的武功，學的時候是絕世，出到嚟，原來會越來越跌watt。」
這個長髮波牛，40歲時仍可以一日兩場，頭頂腳踢，走上走落，樂此不疲。近年他改踢晚場，且萌生退意。「唔想連累隊友。如果我落場整親，廿幾人無得踢，立即要走來照顧你。我唔係話一定會發生，但睇報紙都見到，咩『45歲中年男子，踢球不適送院』。去到我們這些年紀，唔想煩到人囉。」
於是，半年前在黃竹坑運動場他射入一球之後，宣佈引退。「起碼都無傷無病，兩隻腳仲喺度咁掛靴，同埋最後入了幾靚的波做回憶。咁都OK啦！懷舊到此為止啦！」最近，他改跟太太Rita和其他朋友打乒乓球。
有冷氣。而且兩個人，易約啲。
後記
訪問完結，忍不住問潘源良，波牛生涯最後一球，過程係點？
「冇呀……」他嘴角上揚，臉上帶三分靦腆、七分自豪。「攞咗個波之後，背脊擋住個守衞，推去前面，然後過多一個守衞，龍門出嚟，過埋佢，射入。」像以前在有線講波一樣，每個動作，他都描述得巨細無遺，猶如親歷其境。不，他真的在現場。
旁邊的鼓手Edmund Leung連忙笑說：「你俾佢（記者）陰到喇，陰到你原來都懷舊。」潘源良緊張道：「嗱，呢個係嘅，都話懷舊到此為止啦。我認，我認！」
回望大概是人之常情，更重要是之後懂得前行。像潘源良搞完作品展，再來個二次唱作騷；又如他六十大壽點唱的《繼續追尋》，副歌是這樣寫的：「回望去，無後悔，奮鬥已學會/前望去，默然面對，再去追尋，那怕累。」心態，往往比歲數重要。
祝大叔繼續追尋。
上一則
上一則
西環集中營：娥特擴查沙中綫 意在拖延 (季陶)
下一則
下一則
財經專題：內地污染礙生育爆人口危機 精子跌Watt拖垮經濟
2019年02月01日
蘋人誌：大叔拒懷舊 潘源良
「可以hea的話，不會郁……」葵涌一幢工廈裏，一個長髮大叔在高歌。「假使三張幾那怕登陸……」
歌名叫《誰明大叔心》，二次創作自王傑的《誰明浪子心》。新舊版本歌詞，都來自這個大叔。他是潘源良，今年剛好「登陸」，60歲。
最近羅致光說，當大家都有120歲命，60歲只是剛剛中年，社會一片譁然。潘源良亦然。「我經常見到的所謂大叔，可能已經失業，到中途話要搵救濟、綜援、申請公屋，甚至借錢、夜晚搵個地方瞓都有問題。」怎麼辦？《誰明大叔心》歌詞早已預告：「養老靠政府高官當一支小插曲／你有你講祗聽到佢又去僭建佢大屋」。
廣東話「登陸」有兩重意思，一是歲數踏入六字頭，二是上岸、唔使做。60歲的潘源良和好多香港大叔一樣，未上岸，繼續郁。「你問我點解仲唔退休？我答唔到喎。」最新搞作是二次創作音樂會。「係忙碌啲，但都慣啦。」
去年11月，潘源良與太太Rita、填詞人黃偉文、梁栢堅等慶祝六十大壽，席上點唱一首自己的作品——不是大眾megahit《最愛是誰》、《愛情陷阱》，而是他廿幾歲時為達明一派寫的第一首詞，《繼續追尋》。
「首歌的意味、精神，我希望可以繼續做落去。」
撰文：梁俊勤
攝影：黃奕聰
60歲潘源良去年9月迎娶拍拖一年的女友Rita。
諷刺時弊為自娛
潘源良新作名為《生炒廣東話之有辣有唔辣》，月中一連四場在灣仔壽臣舉行。辣的，無疑是貼地諷刺時弊那幾首，像食正「60歲中年」爭議的《誰明大叔心》、控訴「你我冇晒癮/皆因商家跟制度有路」的《狗竇陷阱》，還有改自兒歌《大笨象會跳舞》的《大白象》，罵高官權貴「你講一句OK就想KO我哋」，連立法會議員朱凱廸都share，立場路人皆見。
不過別誤會，音樂會的原意不是呼籲上街遊行反政府——當然你聽完有此志向，潘源良也歡迎。「所謂諷刺時弊，不一定要大家向住一個題目，諗有乜要跟進。」這場演出的起點，更似是與一班friend在自娛。
近10年，潘源良經常出席藝術家黃仁逵的「初一十五詩會」，一班朋友在街邊喝酒、讀詩、jam歌，即興創作。「有時他們玩一些大家耳熟能詳的音樂，我會諗，呢個音樂轉咗做廣東歌詞會點呢，整整吓就有一堆出嚟。」填詞人的創作，也不限於某時某地。「有日我們朋友聚會，食完飯落樓，講開某位仁兄如果被人拉咗會點呢，我已經諗，可以有隻咁嘅歌。」
「佢突然唱起，我哋突然咪演奏囉！」在旁的黃仁逵說，一切都是即興。
朋友聚會，今朝有酒今朝醉，旨在即時高興，不然拍片加字幕擺上網，大家睇完笑笑就OK，為何要公開演出？潘源良說，是為了廣東話。「二創是廣東歌其中一個獨特之處，以往可能好零碎，得一兩句，又不太認真。」像那些耳熟能詳的惡搞兒歌，甚麼「細路你老竇嘟嘟嘟」，與其散落民間，不如有系統整合成一場騷，「將對廣東話的感受，和現在面對的問題、挑戰等，一次過發揮。」
「想搵一樣無乜人做過、但又值得做的事。」
潘源良在演藝圈打滾三十幾年，編劇、導演、講波、填詞甚麼都試過，要找一件自己完全未做過的事，不太多。反過來說，食老本的吸引力，老實也不少。
畢竟大眾愛懷舊。潘源良上一次辦音樂會，是2015年的個人作品展。台上有林憶蓮、林子祥、譚詠麟、徐小鳳、關淑怡等，粒粒巨星，大唱上世紀八、九十年代經典金曲。紅館上萬個觀眾，琅琅上口，如癡如醉。
「有些後生以為我死咗」
這些年的香港，懷舊無疑是流行文化必殺方程式。大台的《流行經典五十年》添食又添食，一個個樂壇組合重出江湖。隨之而來是「樂壇新不如舊」論。例如年初陳詠謙獲得「叱咤填詞人金獎」，不少人狠批他填的歌詞（如「我現時自己肯做飯」）文法不通，跟一眾前輩相比，慘不忍睹。
「我相信每一個寫歌詞的人，都會盡力希望寫到一些代表到自己觀點、感覺、世界觀的作品。」潘源良倒很理解。「我寫詞的年代，都有人覺得，嘩呢句唔啱音，用呢個題材是偷雞，又有人鬧你寫太多情歌……每個年代，它的語文、廣東歌的變化係點，唔到我一個人去講。」
拒評，更因為他自言不喜歡懷舊。
「唔好意思，我覺得這是浪費時間，與其將情緒去了懷舊，不如睇吓怎樣繼續把將來和現在的事，做得好啲。」他一臉嚴肅。「個個都話八、九十年代點點點，反正那個年代大家都已經歷了，都要向前望。」
不喜懷舊是一回事，但無可避免的是，他自己也會變舊，不論是被懷念的，又或不被懷念的。
2015年，陳奕迅出了一張唱片，叫《準備中》。全碟歌詞由一個叫「袁兩半」的人包辦。最初有人以為有新人獲Eason垂青，但謎底很快揭盅，袁兩半即Yuen Leung Poon，潘源良是也。
坊間有傳，潘源良變袁兩半，是為怕樂迷一見其名就誤以為作品過時老套。當事人不置可否，「你都可以話係一樣gimmick。咁蹺覺得呢個名好有趣，咪玩吓啦，大家開心吓！」但他承認，在新一代眼中，自己或許已過氣。「有些後生可能以為我死咗㖭啦！」他想像年輕人的語氣，「可能我現在寫的詞，好多後生會覺得，老唔老套啲呀？又或者有無咁膠、咁懦呀？唔出奇喎，但我不可能判斷，亦不會判斷，咪照做囉，潑咗出去的水，不是我可以收得返。」
後生仔唔識，其實也難怪。近年潘源良詞作明顯減產，過去一年出版的歌詞加埋只有三首，有兩首蔡一傑，一首Gin Lee。更何況，今天香港年輕人大概更愛BTS，又或吳亦凡。
香港流行文化的世界一早變了。潘源良年輕的時候，一有新出的電視劇主題曲，馬上街知巷聞，「阿叔阿嬸又識，三歲細路也在唱」，新歌一在電台上榜，唱片舖已立即錄帶賣老翻。如今？觀眾各有各聽歌習慣，主流媒體的影響力正在減退—許多人不知道「最受歡迎女歌星」菊梓喬是誰，容祖兒的「song of the year」《心之科學》點唱？當然不是個個識。「冇咗所謂的megahit。好難有一首歌，通街都識唱。」
60歲兩個決定
今日潘源良未上岸，仍然想為歌手填詞，但他更明白音樂工業的生態。「新一代歌手，有一班他們認識、合作開的寫詞人，這是好自然的事。」他看得很開。「你問我com唔comfortable？如果咁我都唔comfortable的話，我咪好唔得閒？」
「反正寫歌是我的興趣，也始終有些人可以繼續合作。」他續說。「就算無人搵喇，譬如我今次咁，二創又如何呢？」
踏入60歲，這一年，潘源良做了兩大決定。
第一個，有睇娛樂版的香港人都知。去年9月他在加拿大與拍拖一年多、比他年輕17歲的Rita結婚。Rita是音樂人，下月音樂會她是樂手之一，負責彈琴。訪問當日她也在，排練一會有事先離開，潘源良叮囑了一句：「唔好跑呀。」沒有送她下樓，沒有goodbye kiss，卻有種老夫老妻的默契。「搵到一個可以一齊志同道合行落去的人，係好重要的。」潘源良對記者說。
再婚後，他的生活也沒大變。「因為佢都係一個創作和音樂的人，兩個人好多時都可以溝通、傾吓、又夾到，呢個係好重要。」或如他前年寫給Gin Lee的《緣．兩半》歌詞：「才明白每份緣自成兩段/我得到是一半/你得到亦一半/愛是緣全」。
第二個決定，大眾則未必關心。足球場上的潘源良，掛靴了。
創作上他不怎樣認老，仍舊我口唱我詞，甚至笑言「現在以120歲計，我們全部都年輕」。但球場上，他不得不懷舊。「我十幾歲跑你追唔到我啦。」察覺自己老去，不是一朝一夕的事。「四十出頭，我發現我跳起頂波的彈跳力，比起三十幾歲時已差好遠。人家唔知啫，你知嘛。」他苦笑。「好似以前武俠小說，學咗個絕世武功出來，但你的武功，學的時候是絕世，出到嚟，原來會越來越跌watt。」
這個長髮波牛，40歲時仍可以一日兩場，頭頂腳踢，走上走落，樂此不疲。近年他改踢晚場，且萌生退意。「唔想連累隊友。如果我落場整親，廿幾人無得踢，立即要走來照顧你。我唔係話一定會發生，但睇報紙都見到，咩『45歲中年男子，踢球不適送院』。去到我們這些年紀，唔想煩到人囉。」
於是，半年前在黃竹坑運動場他射入一球之後，宣佈引退。「起碼都無傷無病，兩隻腳仲喺度咁掛靴，同埋最後入了幾靚的波做回憶。咁都OK啦！懷舊到此為止啦！」最近，他改跟太太Rita和其他朋友打乒乓球。
有冷氣。而且兩個人，易約啲。
後記
訪問完結，忍不住問潘源良，波牛生涯最後一球，過程係點？
「冇呀……」他嘴角上揚，臉上帶三分靦腆、七分自豪。「攞咗個波之後，背脊擋住個守衞，推去前面，然後過多一個守衞，龍門出嚟，過埋佢，射入。」像以前在有線講波一樣，每個動作，他都描述得巨細無遺，猶如親歷其境。不，他真的在現場。
旁邊的鼓手Edmund Leung連忙笑說：「你俾佢（記者）陰到喇，陰到你原來都懷舊。」潘源良緊張道：「嗱，呢個係嘅，都話懷舊到此為止啦。我認，我認！」
回望大概是人之常情，更重要是之後懂得前行。像潘源良搞完作品展，再來個二次唱作騷；又如他六十大壽點唱的《繼續追尋》，副歌是這樣寫的：「回望去，無後悔，奮鬥已學會/前望去，默然面對，再去追尋，那怕累。」心態，往往比歲數重要。
祝大叔繼續追尋。
上一則
上一則
西環集中營：娥特擴查沙中綫 意在拖延 (季陶)
下一則
下一則
財經專題：內地污染礙生育爆人口危機 精子跌Watt拖垮經濟
本貼文共有 0 個回覆
| 發表文章 | 發起投票 | 回覆 |