香港人 你既夢想係咩？
聽完呢個問題之後我真係得啖笑
並唔係笑咩話香港人邊度有夢想可言 買到樓先講
而係笑點解大家都覺得每一個人都應該有夢想
其實暫時未有夢想 只係代表你既人生未有一個啱既目標，未有一個合適既方向，以及未有一個自己想要既定位啫， 何必要咄咄逼人答你，人地而家有咩夢想。
需知道香港人雖然日出而作，日入才有機會息，工時長到無人信，但佢地都係一群有思考既動物，佢地都會思考自己想要既野，但呢樣野唔一定係話有就有架，係要思考，係要諗架；而發問者本身就假定左回應者自己本身一定有夢想，因為「人就應該有夢想」。
我拜託啲人唔好再發問埋曬類似個啲你覺得自己有咩優點缺點啦，我唔係無，我仲未搵到咋，唔好係我答你：「我既優點係我未搵到我既缺點，而我既缺點係仲未搵到我既優點」個陣黑我面啦，我未搵到呀。
最後呀，就算我有無夢想都好，都未必要拎出黎同你地分享，唔係個個都有資格聽我講我既理想架，如果我想講自然會同你講，唔洗你多口問我呀。
利益申報：此文為農曆新年個陣既我作既