https://hk.lifestyle.appledaily.com/lifestyle/columnist/李碧華/daily/article/20181219/20571596

信阿姐抑或信Bobby？ - 李碧華


《萬千星輝2018》電視截圖



CCTVB萬千星輝（愈來愈冇）頒獎禮又過去了，很多人只事後網上看。根據民意民調收視率網上留言街坊熱議……還以為個人魅力撐起一劇的《大帥哥》張衛健穩奪視帝寶座，誰知不。又以為具壓場功力的陳煒贏視后，誰知也不。Fans失望吧？

反而意外得最受歡迎男角色獎的馬國明，表現錯愕，還開宗明義：「首先唔使畀紙巾我，因為我唔係代言人，冇收到錢。」全場譁然。除覺攞獎莫名其妙外，還表示並未註冊無婚訊可爆。惟有「咦，都要多謝高層嘅」，於是又像其他得獎者般向X姐X小姐X先生……表忠，你們不累我們都好厭煩──或者馬天然呆，真心話無意中句句有骨。總之，他又第11次失落視帝了。

那麼究竟還要不要死守「遊戲規則」呢？攞到獎第一時間擦高層鞋好讓他／她們不停出鏡？汪阿姐即係阿姐，她說最應該多謝的是付出努力的自己，要「做！好！自！己！」但久違了的歐陽震華頒獎，2 part共6分幾鐘，Bobby逐一多謝高層，希望再畀機會（還說自己早排上過中央台）……狀似𢱑撈。

分別在於71的阿姐已升上神枱，過來人對獎項不在乎了，其他人還處忐忑掙扎中，拍馬送禮唸口簧是，無奈又必須的。

李碧華
電郵 :[email protected]

上一則
上一則
三不吃 (林夕)

下一則
下一則
加拿大曾經有夢 (鄧達智)