全國政協常委唐英年以香港友好協進會訪京團團長身份，帶隊上京見北大人，面完聖仲負責出嚟總結添，相當威威。大家唔係唔知道，唐唐一開口就會為大家帶嚟歡樂，今次亦都唔例外。

唐唐總結嗰陣時話，北大人叫佢哋無論有幾投入、有幾盡力去做青年工作都好，仍然要加倍努力，即係要令青年人更加認識國家，同埋裝備好自己，使青年們喺國家發展大局上更有戰鬥力同競爭力。所以呢，佢哋會好「心虛」咁繼續努力。

八方聽到呢度不禁有個大問號走咗出嚟，好「心虛」咁繼續努力？乜做青年工作唔見得光㗎，努力都要「心虛」？猶疑咗一陣先明白，唐唐應該係想講「虛心」，好虛心咁繼續努力。有時對住唐唐真係唔知好嬲定好笑。

https://hk.news.appledaily.com/local/realtime/article/20181214/59030796