呢個世界好少好似 華為 孟晚舟 咁大鑊嘅危機，我真係一日到黑係咁寫，都總係有新嘅花生，今次嘅花生多謝讀者提供，係skycom.com.hk嘅HKDNR嘅紀錄，當HKDNR到今日仲係由華為keep住個domain，你話呢間唔係 華為 子公司，你呃美國佬都咪咁核突。

星通即係 華為 ，到依家都仲係

呢個係hkDNR WHois喺歐洲時間早上十點左右嘅Whois紀錄


Skycom-華為-min

Skycom.com.hk，我唔明點解仲係一間已經清咗盤嘅公司持有，但呢個唔係重點，重點係，個Administrative Email仍然係[email protected]，即係呢個星通技術有限公司，根本就係華為，佢比華為職員證係更有力證據，證明 華為 同Skycom之間嘅關係，甚至果間毛里裘斯空殻公司，都好大機會根本係 華為 擁有。

大家都知道，喺HKDNR搞個.com.hk係好麻叉煩，如果你無香港公司註冊，HKDNR係唔會幫你做，同你喺Namecheap呢啲求其買個網址，用Paypal甚至prepaid VISA Card過數都得，跟住買domain係乜水查唔到，亦證實唔到係唔同，即係HKDNR作為一個第三者，證實咗Skycom同 華為 之間嘅關係，Skycom即係 華為 ，如果美國揸住呢個做證據嚟告孟晚舟，我怕且孟晚舟走甩機會好細，因為Skycom個domain，其實喺孟晚舟仲係Skycom董事果陣買，即係佢用公務護照登記佢個人資料果陣，所以喺法律上，都可以假定孟晚舟對成個關係係知情，只不過，我都要多謝我個讀者，諗到喺HKDNR Whois搵答案，大家都知道，HKDNR Whois應該係全世界最唔好用嘅Whois之一嚟。但因為HKDNR做嘢落後同麻煩嘅本質，反而令孟晚舟、Skycom同 華為 之間嘅關係無所遁形。

所以依家成件事十分之清楚，我唔知 華為 班仆街仲想呃人呃到幾時，但依家一切證據都十分清楚，工聯會班蠢才依家形勢，我只能用四個字形容：衝出嚟X。

https://martinoei.com/article/23212/%e8%8f%af%e7%82%ba-%e8%81%b7%e5%93%a1%e4%bb%b2keep%e7%b7%8askycom%e5%98%85domain