其實一早就好想分享，但又諗自己開親post都沉
琴日睇完招待會，佢再講個比喻出黎，我真係忍唔住
無奈出左去做野仲要發高燒，仲搞到去唔到政總
我唔怕被人起底，而且沉我都會照自推
真係好希望大家睇完佢

是咁的，我係一個好鐘意拍片既九十後
由我用哂一生儲落所有既利是錢買部單反玩攝影，前前後後岩岩好九年
中四開始有幸接觸影片製作，又有好既老師、師兄、校友悉心教導
我中四到中七未係學界電影節、National Geographic Channel既比賽上面輸過
最佳影片(劇情&非劇情組也好)、最佳製作、最佳攝影等等
我有份既作品唔係唯一既得獎作品就係金/銀獎
作為攝影同埋視覺效果，認定大學要讀相關既科目
我target左CityuU既創意媒體(Creative Media, 下稱CM)
因為我對animation, typography等等都有好大興趣，唔想咁快限死係電視電影
大家都知CM、Design呢d睇portfolio既科，portfolio夠好既就最低入學要求都入到
如是者，我中七暑假都有拍野、教下新人咁
雖然中化失手，成績都有CDDDDE，夠入呢d科有突，UE Oral仲要A埋
結果？CityU表示今年AL人唔單止無interview，連Portfolio都唔收，搞到收分水漲船高
一堆唔識整呢d野既入哂去，我就跌左入科技大學HKUST
抱著學多d野無壞既心態，我決定讀著UST，用non JUPAS入返CM
因為我對自己既portfolio幾有信心，甚至我中學果陣已經有師兄帶我接freelance
自己仲搵左個internship，有埋ref letter
結果？最初CityU就話一視同仁，AL都照睇
但係我就連1st round interview都無，我問有既人拎portfolio睇
人地用Words將自己IVE yr1既group proj打哂就算，咁都有得1st in
論學歷、公開成績、英文、工作經驗等等，三大既我都比唔少人好
我仲要好比心機用Ai逐版逐版畫份portfolio
後來先知PolyU同CityU non JUPAS一個，係一個AL人都無收過！
我send email問佢地，佢第1次答：已經考慮一籃子既因素，例如咩咩咩咁
第二次問，直頭不作回應！外間有其它受害人問
就答話人手、時間不足以處理遲放榜HKALE，但係更遲放榜既外國試就處理到

我無投資九億，亦無王維基生先既遠見同抱負
更加無HKTV眾多台前幕後各個精英既技術
[red]有人問我點解要入大學讀，出黎做咪得lor
我話：因為係香港只有大學入面你仲可以有自己空間去創作
直到我去政總既集會，聽到港視員工既分享，發覺原來仲有個創作空間叫「香港電視」
原來係香港做唔一定要乞食，唔一定要比人壓榨唔一定要個零創意既操作員

更重要既係，昨日黑箱既係我個degree
今日黑箱既係香港電視個牌
聽日呢？
正如艾威所言：「今朝吾軀歸故士，他朝君體也相同。」 [/red]

最後兩樣野：
1. 香港特首梁振英，亦係CityU前任校董會主席，上"梁"不正下樑歪
2. 香港電視快d開台之後請我 ，我打雜都ok