【一覺訓醒,我已經唔係自己熟悉既香港。】

一擘大眼,第一下帶黎我活著妮個感覺既,並唔係咩畫面,而係房入邊濃濃既杯面味,仲要係焗左係房3,4日個隻,好臭。

「屌!仆街啦!」睇睇個鐘原來已經8點9。對於我妮d返930既打工仔黎講,依個情況緊係極危險!但唔怕,身為高登仔既我一個轉身射個三分波,呀唔係,係拎起個電話打返工司。

「喂Candy 呀,我唔知係咪琴晚食錯野,而家㢌到腳都軟,我要請半日假睇睇點。」
「你又痾!?今個月第2次,依半年第13次啦喎!你係咪咁虧呀Kenny,你咁...........................................................算啦!我識做架啦,拿無下次啦,一陣咪遲到呀!」
「係係係,唔該BYE!」

屌!又比佢煩左我15分鐘,不過都好,反正佢次次都會幫我。

多左半日假,緊係去慢慢食個早餐先啦。去到樓下,對於我依d平民而言,m記早餐簡直係恩物,所以我諗都無諗就狗衝m記。

去到買左個早晨全餐享受good morning 我習慣八慣下人地傾緊咩。

「琴晚場波都唔撚知係咪造出黎既我屌,大熱都輸我屌!」我對d呀叔既偉論一d興趣都無,SKIP!

「喂bb呀,琴晚人地夜訓呀ma,你都唔體諒下我既～而家人地仲係張床都訓緊架,不如你等我訓多陣再搵你啦～好啦byebye~」我屌!你張床有無咁撚大呀!睇你隔離仲有2條mk就知你蒲天光啦!條仔仲要on9到信先好野,大大聲Eason既請相信我地,請體恤我地你唔係聽唔到呀??定你比佢洗左腦真係相信佢同體恤佢?睬你都on鳩!

「喂琴日個日環食你有無睇呀?無睇就幾百年後先有得睇架啦。」「超,個太陽比月亮遮住咋ma,有咩好睇?」「下,係太陽比月亮遮住唔係月亮比太陽遮住咩?」「係喎,好似你啱!你咁勁既?」身為身高180,會考30分既高登仔既我,聽住依2條on9 mk將一個富有天文學價值既天文現象講撚到咁on9,我真係只可以笑而不語。

「媽媽,我要換玩具!」「百事有可樂。」我有一瞬間以為自己上得高登多有幻聽,但係我真係無,佢真係咁講。個細路仲好神奇地唔再嘈,我只可以講句,高登真係造福人群。

唔知係咪我太耐無黎食早餐定原本就係咁,點解m記咁撚多痴線聚集架我屌。我之後決定揮一揮衣袖,不帶走一條薯條咁離開妮間痴線既m記。

係個一刻,我仲未知道我之後將面對既事係幾咁荒唐。


-------------------------------------------------------------------------------------------

新手第一次寫故，希望咁多位巴絲鍾意啦
我大約有個大綱一有時間就會寫同打，出得慢我會代母受屌