當年TVB播一升的眼淚時我都係一個小六雞
小六時，我仲係ON99 上堂吹水大笑比老師罰都唔知咩事..放學就去踢波補習
從來唔覺會世界係有野痛苦得過留堂。
個時係香港真係人人都有睇套劇，
好多人都話睇到喊，唔理男女老幼都係咁講
我仲記得男女主角係天橋個到識的
之後唔知咩事女主角有左絕症
搞到初初行動不便，後來直情郁唔到
記得佢初病時行出屋企門口去返學時，跚跚舉步而行
行出左屋企間豆腐店不一會就成個仆倒
細個時，我覺得跑返學係好自然GE事，但見到個幕，
小六GE我先知道原來蹦蹦跳跳唔係必然
原來跌到起身唔係必然，個幕印象好深仲搞到第2日係學校都諗緊個幕
之後套劇講到佢父母點努力去幫個女，但都係冇方法救到個女
我先知道原來有病係冇得醫....細個時仲問呀媽要唔要寫信去日本介紹樓下個醫生比個女主角
因為個時我有傷風都係個醫生醫好我....所以衷心覺得要介紹)
睇完套劇仲搞到由小學開始我好珍惜D朋友