今晚(22日)無綫《東張西望》播出「愛的呼籲」，呼籲已轉投香港電視嘅舊員工返來，好溫馨好sweet。對於無綫「呼召」藝人及前員工回巢，問黎耀祥點睇？佢話:「我覺得呢樣嘢係互相的，唔係話你想人返嚟就返嚟。」

至於會否到政總支持？祥仔表示呢幾日開工。又謂:「你話政府可以做乜嘢！唉！我哋依家個政府算罷喇！呢句一定要寫呀！我哋依家個政府算罷啦！好多嘢個判斷呀、甚至乎個處理手法，真係缺乏個政治智慧。」

講開梁振英政府，祥仔就停不了:「有啲係唔使搞到咁大鑊，又搞到咁大鑊，冇辦法喇！依家個政府真係冇辦法喇！如果我哋選，我哋民望高過佢，我哋依家出街打晒招呼，去買個菜幾忙呀！本來買半個鐘買左成個鐘，落區咁樣呀買菜！」