發表文章發起投票回覆
【豆花大戰】對手賣2蚊玩命 亞玉10萬月租蝕住做:3蚊係極限



https://video.appledaily.com.hk/mcp/encode/2018/11/11/3729190/20181111_fin_126_w.mp4

「我睇咗電視介紹呀,兩蚊一碗,梗係嚟試吓!」黃生在一條約40人的隊尾排隊,一邊用手巾抹汗,一邊排隊向記者道出原因。到底有咩原因令他排長龍呢?係愛吃,定係羊群心理呢?答案就係平!美食雲集的荃灣路德圍出現兩間神奇豆腐花店,一間賣三元一碗,另一間更賣兩元一碗,可謂平絕全香港。兩間店劈價成功吸引大批顧客排隊,背後是一齣「為啖氣」的故事。同時人潮帶旺,「贊和豆品」所租的店舖業主去年曾將舖位放售,叫價3,000萬,5年升值近五成!

香港人對減價戰不會陌生,由魔童掀起的IDD減價戰,到近年阿信屋平賣可樂零食抗衡超市霸權的故事,但想不到一碗只屬飯後甜品的豆腐花,一樣可以打出減價,甚至是劈價戰,將售價減完再劈。今次兩位主角:「贊和豆品」以及「亞玉豆腐花」,屹立路德圍這條美食街逾五年,雙方的戰火亦一直燃燒至今,從未熄滅。有指亞玉率先租下5B舖位營業,惟贊和不久後承租旁邊的5A舖位,公然打對台賣豆腐花,減價戰一觸即發,齊齊將豆腐花減至5元一碗。當中阿玉曾使出殺手鐧,買豆腐花送缽仔糕或糯米糍,贊和亦不甘示弱,於上星期起,將豆腐花售價由5元狠劈至2元一碗(外賣同樣2元)!阿玉為了迎戰,將豆腐花同樣由5元減價至3元一碗(外賣連盒收4元),堂食售價仍貴過贊和50%,外賣更貴1倍。兩間舖打劈價戰,成功吸引大批食客光顧,門外長期大排長龍。

除了大劈價,兩間店亦鬥早開門營業,務求提早搶客,做多幾盤生意。記者日前到現場直擊,發現亞玉早上10時已經開始營業,有幾位公公婆婆已食緊豆腐花,旁邊的贊和亦在趕工,約20多分鐘後亦開門做生意。因為2元較平關係,人龍主要集中在贊和,現場觀察計算,正式營業半小時後,售價2元的贊和排隊的人數從未少過15人,售價3元的阿玉豆腐花顧客只得個位數,到中午繁忙時段,雙方的排隊人數均逾40人。

現場見,排隊大部分為街坊,八成是長者,在一小時內計算,贊和豆品約有170名客人光顧,其中只有35人買一碗,其餘是兩碗以上,有位OL更買了22碗豆腐花外賣,更現場拍IG Story放上網呃Like。到中午食飯時份,人龍暴增,兩間店舖排隊人數均逾40人,不過售價較貴的亞玉豆腐花有更多學生及年青人排隊,「呢間啲豆腐花嘅豆味重啲,又夠香味!」,林同學自小學已在該區就讀,他透露由小六至現時中四已幫襯亞玉豆腐花:「以前賣五蚊碗時已經食啦,嗰時仲會送缽仔糕,現在減到3蚊都係咁多份量,味道冇變呀!」

雙方為何不惜工本鬥劈價?有當區的地產代理指,都是「為啖氣!」,有經紀指:「贊和同亞玉結怨好深,早前『老虎堂』想租亞玉所在的舖位,但亞玉堅持想繼續做生意,為了打低贊和,於是租金由8萬加到10.8萬元。」亞玉為了留低繼續「打仗」,不惜加租35%至10.8萬元,其賣豆腐花的決心確實「不容置疑」。至於贊和所在的5A舖位,截至17年6月的租金為6萬元,業主曾經打算以3,000萬元放盤,但贊和續租後便打消放售念頭。本報找來亞玉老闆邱子揚現身說法,他坦言減價戰已維持5年:「之前賣5元仲有啲利潤,而家推咗新產品,利潤就減少,而家賣3元更加冇得賺!」他指出,旁邊的贊和就算再減價,阿玉亦不會再減,因為3元一碗已經是極限。他坦言豆腐花3蚊只為宣傳,荃灣店更要其他舖的利潤幫補。

兩間豆腐花店大劈價,吸引無數人潮排隊,帶旺整個路德圍人流,兩間舖位業主自然水漲船高,贊和所在荃興徑昌泰大廈5A舖位,11年初成交價為1,350萬元,阿玉所在的5B舖位於13年6月的成交價為2,718萬元。

記者:陳新政 蘇承智 葉煜燊


贊和賣2蚊一碗,長龍過亞玉。


黃生: 「我睇咗電視介紹呀,兩蚊一碗,梗係嚟試吓!」


亞玉豆腐花有更多學生及年輕人食。

source : https://hk.finance.appledaily.com/finance/realtime/article/20181112/58901443
+++++++++++++++++++++++++++++++++++++++++++++++++++++++++++++++++
做乜撚
Good0Bad1
2018/11/12, 1:00:49 下午
引用快速引用
本貼文共有 5 個回覆
#null2018/11/12, 1:02:23 下午
引用快速引用
唔怪得尋日見路德圍咁多人
前世未食過豆腐花咩屌
#null2018/11/12, 1:04:25 下午
引用快速引用
識玩就用2蚊收購再用3蚊賣啦,令佢斷貨先講
#null2018/11/12, 4:31:04 下午
引用快速引用
以前食過⋯
#null2018/11/12, 6:15:50 晚上
引用快速引用
識玩就用2蚊收購再用3蚊賣啦,令佢斷貨先講

可能之後就會和解合作
#null2018/11/13, 9:03:52 上午
引用快速引用
發表文章發起投票回覆
請先登入以發表回覆