HKGalden學術臺
發表文章發起投票
宇宙大爆炸系列[三] 大爆炸有問題

(Credits: S.Harris, sciencecartoonsplus.com) [/size=2]

上回提要:上次講到宇宙學家點樣透過好似宇宙微波背景(cosmic microwave background, CMB)太初核合成(Big Bang nucleosynthesis)哩啲觀察證據去推論證明宇宙大爆炸曾經發生。[1] 除左某啲耶拎或者地平論死忠之外,相信宜家都冇乜人唔信宇宙大爆炸論。雖然係咁,但係大爆炸真係宇宙起源嘅一切最終答案?佢可以好似上帝咁能夠解釋晒所有嘢?既然小弟咁問得 ,答案梗係唔係啦!(雖然有唔少人咁諗,當咗大爆炸模型係宇宙學或科學嘅「神」,甚至係間接用嚟證明神存在或聖經創世紀嘅現代科學版本⋯ )大爆炸其實唔係一個完整嘅終極宇宙模型,佢本身有某啲問題同缺陷,需要另外附加理論模型去解答,其中有啲甚至係仲未有答案。今次就等小弟同大家探討吓大爆炸模型存在住乜嘢問題啦!

[blue][一] 大爆炸冇解答宇宙起源問題 [/blue][/size=5]

大爆炸模型係建基於愛因斯坦廣為人知嘅廣義相對論(general relativity)。但廣義相對論有佢嘅限制,理論本身就會預測自己喺接近奇點(singularity),當重力場龐大嘅時候失效。喺嗰啲情況下,重力嘅量子力學效應開始變得重要,需要用未知嘅量子重力(quantum gravity)模型去描述。接近大爆炸發生一刻嘅大爆炸奇點(initial singularity)同黑洞事件視界內最中心嘅奇點都屬於哩類情況。所以正如小弟之前都強調過好多次,大爆炸唔係完整理論,唔包宇宙開端(假設有)嘅,係唔可以無限倒帶回推番到無限久遠嘅過去。就好似一個細路仔,唔通單由佢身體不斷長大嘅過程你可以推論出佢出生嗰刻係一個「奇點」,係自己無中生有或者好似孫悟空咁由石頭咁「爆」出嚟?喺仲未有確實證據,學術界未有共識正確描述現實物理世界嘅量子重力模型應該係邊套前,宜家根本冇人知道回帶去番接近大爆炸嗰一刻宇宙係點嘅樣。


(Credits: comicada, https://i.redd.it/hngjbzdiecr01.jpg) [/size=2]

有啲人話大爆炸發生一刻係由冇變有,通過量子起伏嘅量子力學過程哩個其實最多都只係一個假說,而且理論物理學上亦冇太多量子重力模型支持呢種如聖經創世紀咁嘅講法(好似係)。另外雖然已經仙遊 嘅著名理論物理同宇宙學家霍金(Stephen Hawking)喺研究論文同著名《時間簡史》中話過[red]『時間喺大爆炸前唔存在,討論大爆炸之前宇宙係點就好似討論地球表面上比北極更北嘅地方係乜咁,冇任何意義』,但哩個一樣都只係理論假說,未有實質證據支持[/red]#。甚至有某啲理論物理學家提出循環宇宙假說論(cyclic universe),話宇宙嘅演化其實係一個循環,宇宙係永恆不斷咁持續膨脹->收縮->膨脹->收縮->⋯嘅循環過程,我哋只係咁啱身處喺膨脹?嘅過程,因為膨脹?嘅階段先會較大機會孕育出生命同恆星[2]。
Good4Bad0
2018/11/02, 5:43:57 下午
本貼文共有 0 個回覆
此貼文已鎖,將不接受回覆
發表文章發起投票