【爆相爆片】花貓搭九巴抓傷人 阿SIR出盾牌咁誇
1009 16:45



早上7時半，讀者張小姐在西環水街，登上905號路線九巴，預算去旺角，當時正值繁忙時間，迫滿乘客，張小姐登上上層，突然聽到有人大叫「嗰度有貓呀」，她擰轉頭赫見一隻啡白花貓，成為巴士上的不速之客，花貓疑受驚跑來跑去，引起一陣騷動。

張小姐說：「唔知點解係度，好奇怪，突然間走出嚟，我估可能夜晚已經走咗上去。」她指花貓在車廂走來走去，引起混亂，「啲人都驚㗎，大叫走呀，有貓呀！」她指巴士去到山道，有個外籍男乘客「好勇猛走上去想捉住隻貓，但被貓抓傷咗隻手。」捉貓男乘客手傷流血。

貓傷人後可能自知闖禍，跳上車尾玻璃窗瑟縮一角，無甚動靜，此時車長已報警，巴士停在德輔道西410號對開，警員接報到場，對花貓不敢掉以輕心，手持盾牌上了上層，張小姐說：「都幾誇張，用盾牌趕隻貓落車。」在車廂擾攘約10分鐘，花貓落車消失人群中，受傷22歲男乘客須送院敷治。

有網民擔心花貓被趕走會迷路，車來車往十分危險，發動全天候追蹤。近正午，於隔鄰皇后大道西銀行門口發現花貓，更有人放了一盆糧水。不久有愛協人員趕到，出動捕網及籠伺候，不過花貓身手敏捷，「雙管齊下都捉唔倒，花貓一枝箭跑過對面斑馬線，差一秒便被車撞倒」，又不見了蹤影。

愛護動物協會表示，於早上11時許接獲市民報告貓隻出現，並出動到場處理終告失敗，貓隻最終向山道方向逃去。
https://hk.news.appledaily.com/breaking/realtime/article/20181009/58772943