https://hk.news.appledaily.com/local/daily/article/20181009/20517792

2018年10月09日

同獲浸大傑出傳理人獎
陳凱欣參選轉跑道　師兄勸勿棄求真


陳凱欣與楊健興及呂秉權於2008年獲浸大傳理學院頒發「傑出傳理人」獎。


【九西補選】

【本報訊】浸會大學傳理學院2008年為慶祝創立40周年，首次頒發40個「傑出傳理人」獎，表彰校友貢獻，當時上榜的包括1999年新聞系畢業、先後在無綫及now tv任職的陳凱欣。

10年過去，陳獲建制派支持參加立法會九龍西補選，但日前回應香港外國記者會副主席馬凱申請工作簽證續期被拒時竟指事件與新聞自由無關，當年與陳一齊成為「傑出傳理人」的兩位師兄也感失望，叮囑「師妹」勿因轉跑道而放棄求真。

記者：林俊謙


在1984年畢業於香港浸會學院（現稱為香港浸會大學）傳理學系、現任記協主席楊健興回覆《蘋果》指，「我諗好多傳理人，都會覺得可能真係轉咗位置，或者從政，所謂混咗個政治濁水呢，可能好多嘢個睇法都唔同咗」，但他強調傳理系師兄或老師都會提及院訓「唯真為善」，「即係求真、講真相，嗰件事係咁樣就係咁樣，嗰個係做新聞同傳理人嘅精神」。

楊指就算陳轉了跑道，希望勿忘傳理學院精神，「若換咗位置（從政）就好多各種各樣嘅考慮，好多時係咪真係可以講真話，（與從事新聞工作）係好大衝突，當然每個人有自己嘅一啲選擇啦」。



呂秉權 ：對佢言論失望

曾在有線電視跑中國新聞、1998年畢業的浸大新聞系高級講師呂秉權稱，最緊要認清事實。

他指明白任何人若參選或在不同位置，或對某些問題較顧忌，但指大家同出身於浸大傳理系，「好多嘢係本身流住個血，擁有嗰種良知同對真相嘅追求，我相信呢個心，唔應該因為我哋去到乜位而有任何轉變，反而呢啲嘢係我哋一啲固有嘅價值，去到乜位都應該係最永恒不變」，「杜生（浸大新聞系前助理教授杜耀明）都講到我哋院訓『唯真為善』，我相信呢個基本上都係我哋每個傳理人嘅基石」。

問及對陳的言論有否感到失望，呂說：「對佢（陳）嗰番言論，坦白講，我梗係有失望啦，亦都明白佢?家嗰個參選，未必可以好似以前做傳媒咁，可以依返一啲原來準則行事，不過都唔應該有一啲原則上嘅偏離囉」。


上一則
上一則
工作壓力大　青年跳軌亡

下一則
下一則
稱人格遭謀殺　馮檢基投訴網台三主持



稱人格遭謀殺馮檢基投訴網台三主持

陳宣傳海報遮劉小麗