有好多人第一次飲白咖啡時，都會問「點解杯啡唔係白色」，咁首先就要了解一下個背景先。

白咖啡算係馬來西亞土產，大約一百年前出現晌怡保呢個地方，比啲碼頭咕哩飲嘅下午茶飲品，所以亦叫做怡保白咖啡（怡保唔係牌子，係地方名）。馬拉咖啡有個特色，就係炒豆時會落好多野落去，例如麥粒，粟米，花生，椰油，橄欖油，糖，乜都有。而白咖啡就只會落咖啡豆，橄欖油同白糖落去炒，「白」嘅意思係 plain coffce，而唔係 white coffee，如果唔知馬拉傳統咖啡係點就會諗錯隔黎了。白咖啡之所以淺色，其中一個原因係因為佢本身係比碼頭咕哩飲，所以會落煉奶，令佢飽肚啲，可惜傳下傳下，好多人誤會左白咖啡係白色，或者比較淺色。

另外，好多人都會覺得白咖啡嘅味道同其他咖啡好唔同，主要係因為佢用嘅咖啡豆唔同。我地平時飲嘅咖啡主要係 由 arabica 同 robusta 溝出黎，但係白咖啡會加埋 liberica 落去，果種獨特香味主要就係由 liberica 而來。我有幸飲過幾次由 liberica 沖嘅單品咖啡，味道超古怪，陣味有啲似廿四味，口感醇厚而滑。白咖啡就係因為加左呢種古怪嘅豆落去，所以成杯啡嘅風味都唔同晒。

白咖啡最出名應該算係舊街場，舊街場就係頭先所講，果堆碼頭咕哩活躍嘅碼頭，我唔知道舊街場係唔係就係當日班咕哩幫趁果一檔咖啡發展出黎，但晌馬拉真係有好多舊街場白咖啡店。如果你有幸去馬拉，記住去幫趁，但係千萬唔好去熟食中心果啲，一定要去專門店飲，味道可以相距十萬八千里。



仲有，舊街場啲食物真係好好味，我覺得比杯啡更吸引。