https://hk.entertainment.appledaily.com/entertainment/daily/article/20180826/20484603

018年08月26日

【娛樂人物】
陳國邦　徐肇平　教與學


陳國邦（左）和徐肇平日前接受本報專訪，二人在《身後事務所》中扮演一對同性伴侶。

陳國邦和黃淑儀兒子徐肇平近日參演ViuTV劇集《身後事務所》，兩人飾演同性伴侶，少不免會有攬錫親密動作。陳國邦表示平日夫妻間相處都會這樣做，徐肇平更謂演出由心而發，演繹隨心，完全沒尷尬，更大讚從陳國邦身上學到很多演戲技巧。

撰文：曹家誠、何慧斯
攝影：沈健程


徐肇平（右）表示首次跟陳國邦合作，獲益良多。

陳國邦和徐肇平演出的《身後事務所》Part 2，將緊接正在播放的Part 1播出，二人日前在尖沙嘴接受本報專訪，提到同性伴侶題材在港劇較少出現，陳國邦說：「其實劇集題材分開嚟計就一啲都唔新鮮，我喺劇中係一名教師兼酒吧老闆，又分別有一段異性及同性戀關係，每樣嘢分開其實冇乜特別，但擺埋一齊就變成角色好複雜，好多變化，所以吸引到我去拍。」


吳肇軒（中）和6號在《身後事務所》中幫死者處理未完心願。劇照



好有天份

二人首度合作，徐肇平指媽咪黃淑儀曾與陳國邦合作：「媽咪極力推介我一定要拍，佢話我一定會喺阿邦身上學到好多嘢。」結果他真的獲益良多：「阿邦好願意分享，有時我會留低喺度睇佢同其他演員繼續拍攝，學到好多演戲技巧。」陳國邦也對徐肇平讚不絕口：「以新人嚟講，佢畀我好大驚喜，好有天份。」

談到演繹同性伴侶的方法，徐肇平說：「我角色係深愛對方，我用番現實中究竟愛一個人應該點做嚟演出，完全冇諗過性別唔同嘅分別。」問二人拍親密鏡頭時尷尬嗎？陳國邦說：「攬同kiss都一樣有，總之平日你同太太或者女朋友係點樣相處，劇中寫實地做出嚟。」徐肇平說：「我哋純粹由心而發，加上角色設定段關係收收埋埋，所以成件事可以演得好隨心，完全冇尷尬。」


《身後事務所》的故事都令6號等三人有所體會。


學會反思

問到對身後事這題材有甚麼意見？陳國邦坦言喜歡這構思：「一個人死咗就係一個完結，但在生嘅人就好大影響，我同肇平嘅故事就係因為有一位人士離世，經身後事務所追查下，發現我哋兩個牽涉在內。」

至於《身後事務所》Part 1，故事講述繆浩昌（6號）和吳肇軒開設「身後事務所」，想幫死去的人處理未完心願。他們接受本報專訪時，問6號可覺得題材沉重？他說：「人放唔低，變咗離開時有心結，我同吳肇軒嘅角色去解開呢啲人嘅心結，再用呢啲身後事睇到?家社會嘅嘢，變成反思。」吳肇軒說：「戲裏面好多係放低同解開心結，慢慢開始學識點面對，生命上有好大得着。」

場地提供：博勢力


上一則
上一則
顏子菲環遊世界勝讀書

下一則
下一則
森美睇中麥美恩做新抱