先前都有巴打開過post講過
其實我地而家唔係要搞分化
我地同高登 都係本是同根生
我地唔係要憎高登果邊既巴絲
我地而家只係不滿一個咁白色恐怖殺人唔斬眼既管理層

請大家要對事唔好對人
唔好再嚮高登開埋晒d post挑撥離間
宣傳同其他野都應免則免
搞對立對大家都冇好處
對膠登既長遠發展都唔好
首先要做好自己野先 發揮下呢度既優勢
以理服人 以德服人
你做到野出黎 自然有人會過黎

一味講到自己好似係正統blue blood既高登仔
淨係識得話高登果邊全部都係5p仔同五毛 一竹竿打沉一船人
我地咁做同果班自我感覺良好既老屎忽有乜分別?

高登部份人只係知道事實既一部份
佢地會批評 我好明白
但係由因 係我地某D巴打既行為已經令果邊既人反感
甚至已經over左 令大家既誤解越黎越大
希望大家真係知道
究竟要做D乜先對呢度有正面作用

言論自由係好重要 無論我以上呢番話岩唔岩聽
都希望大家花少少時間思考下

多謝