HKGalden財經臺
發表文章發起投票
假如人民幣一夜暴跌
https://www.facebook.com/Mr.firelookingfor/photos/a.644186928946350.1073741829.642723335759376/1983915388306824/?type=3

有讀者文問香港會唔會係最後一站受影響, 小弟相信情況係相反,因為而家香港係開放型經濟, 基本上又主要受內地消費影響, 好難第一站唔係先影響香港。

甚至乎投資環境,或多或少其中一個主導嘅國家都係中國, 所以董建華講得啱,中國好香港的確好。

同每一次經濟週期一樣,點樣湧入嚟嘅資金,有問題嘅時候,尤其是畀人哋追債,一定會不問價咁樣將之前狗追嘅資產沽出。 走鬼快過你坐火箭。

如果中國政府真係外匯儲備守唔住, 將會引發爆炸性恐慌, 你要記住中國人,係特別羊群心理,都你你走我又走,根本唔使走嗰啲都走埋,驚乜都唔知,但係又走得快過你。 情況會兵敗如山倒。

最大嘅問題係我覺得中國企業,其實借咗唔少美金計算嘅債, 點解? 畀你都會咁做,因為這人民幣座底6 ,7厘,美金一厘都冇,仲要享受呢十年左右美金貶值, 根本一定要借。

但係調返轉頭玩就大鑊, 大到不能倒下嘅企業肯定要政府救, 令薄弱嘅外匯儲備,更加一擊即破。

結果令到更加多人走資, 人民幣匯進一步貶值, 惡性循環。

當然大家會覺得中國政府,會好似以前溫爺爺咁樣,出重拳相救。 但你有冇留意,而家習大大其實比較緊張權力, 假如經濟情況並唔係佢首要考慮?

所以我覺得可以參考俄羅斯, 因為有啲似普京。

幾年前盧布守唔住, 佢哋都唔係傻,知道慢慢貶值 ,實會引起走資,所以做嘢快狠準, 一夜之間貶值五成, 等你連走嘅機會都冇, 齊齊捱呢一棍, 至今經濟都未好返。

到時香港嘅樓同股其實的而且確,變成國際提款機。 而虛擬貨幣應該係先跌後暴升, 因為每一次政府出問題, 資金就會走入去, 呢個亦係虛擬貨幣誕身嘅原因。
Good0Bad1
2018/07/09, 11:30:25 晚上
本貼文共有 0 個回覆
此貼文已鎖,將不接受回覆
發表文章發起投票