捱

我離開船隻，回到那片森林。

剛才因為過於慌忙，沒有留意其他的事物，原來這個森林還真算大，要不是案發現場這麼近，真的會迷路。

一式一樣的樹木、雜草，完全沒有可以當作地標的景物，我們還是不宜走得太遠了。

我「Alex，我搵到個鐵鏟。」

Alex「唔該。」

阿勇「話說點解你架船會有呢啲工具？」

Alex「預備不時之需嘛，唔好講咁多，快啲幫手。」

不用半小時，我們已完成埋葬，用木材簡單建了個墓碑。


阿勇「我地都係快啲走喇，就黎天黑。」

我「嗯，呢個森林都幾大，夜晚走路好危險。」

Alex「咁番去啦，我都好肚餓。」

剛剛才埋葬了一具屍體，Alex竟還有食慾，不過在這種環境下，不吃東西真的會死吧。

Alex「咦？阿逸，個鐵鏟呢？」

我「吓，唔係你拎住咩？」

Alex「冇啊，即係留低左啦。」

阿勇「咁我返去拎。」

Alex「唔好喇，返去已經天黑，聽日先啦，又唔會有人偷野既。」


我們三個回到船上，見到肥雄還在陪著阿詩，不過阿詩的臉色看似好轉了。

我「阿芯呢？」

肥雄「喺廚房，話整晚餐喎。」

我「哦。」

我一個人去到廚房，見到阿芯做飯的背影，給我一種賢妻的感覺，我很想很想在這一刻抱著她，無奈現在不是幹這些的時候。

我「阿芯，你整緊咩？」

阿芯「三文冶，我諗整呢啲可以帶住既食物，遲下行動都方便啲。」

我「估唔到你咁細心喎。」

阿芯「點啊？信唔信我唔比你食啊喇？」

我「唔信喎，其實發生左啲咁既事，我都冇乜食慾。」

阿芯「我整左都唔少，放左啲喺雪櫃，你餓先拎黎食啦。」

阿芯「幫我拎出去啊。」

我「好啊。」

沉到落底

推

沉到落底

推

因為我推緊POST
先有沈到落底的錯覺