日文原作出完相隔接近2年 獨步文化終於肯出翻譯本
數返動畫 原來已經係京都動畫 2012年既作品 (咁就6年)
我係睇完動畫 再追返哂小說既

講返呢一本 遲來的羽翼 (網譯: 事到如今才叫我飛翼)
我覺得暫時係古藉研究社系列作 最好睇既一本 (第二我會排 庫特利亞芺卡的順序)
有別於 上一本 兩人距離的慨算 同 庫特利亞芺卡的順序
佢係由六個短篇故事集結既 但每一個都好好睇

奉太郎 終於解釋左 佢節能主義既始源係點來
亦都解釋埋 摩耶花 點解係故事一開頭咁討厭 奉太郎
亦都講埋上年文化祭之後 漫研風波既後續
到最後 當然就係 千反田BB 遲來既羽翼

睇到第六作 我覺得中間既推理手法同結果已經 無所謂了
感覺「所謂既推理」只不過係張故事推移既一種手法 同 描寫
反而重要既係 古典部 四個人既內心描寫 同 成長

里志 同 奉太郎既君子之交
摩耶花 貫切對自身既執著 同 妥協
千反田BB 對自己人生既否定

呢本係我難得 緊張到一日睇哂既小說
雖然呢本書講唔出咩大道理 但我睇完之後非常之有親切感
所以我高^^^ 度推介比各位手足細閱

P.S 京都動畫 你出冰果第二季 啦好嘛
折木同千反田 你兩個快D結婚啦屌你 好撚閃呀仆街