https://video.appledaily.com.hk/mcp/encode/2018/03/09/3564271/20180310_sub768newnewAD_w.mp4


新Resort建在Vana Nava叢林水上樂園旁，非常方便！

去自由行最麻煩是要計劃行程，有時左度右度又要安排交通，諗到頭都痛。如果搵到間方便又多嘢玩嘅酒店，可以滿足整個行程，咁就慳番唔少事前準備工夫。華欣是泰國皇室的避暑勝地，配套完善，是泰國本地人的度假天堂。這裏最近就有一間新開度假酒店，可以玩足三日兩夜。

Day1
三、四點陽光猛烈之時到埗，先要消消暑。酒店有一個超過180度的無邊際泳池，雖然無邊際泳池不是新鮮事，不過酒店有地理位置優勢，是華欣最高的建築物，可以邊遊水邊飽覽整個華欣市鎮加海岸線，在池邊打卡影相亦唔錯。泳池其中一角設計成按摩池，可以鬆鬆筋骨。亦有池畔酒吧，一邊浸一邊飲一邊睇美景。

計啱時間，再上酒店天台Sky bar欣賞日落。這裏有一個玻璃底的透明露台，畀大家360度沉浸於黃昏美景之中。Sky bar由著名設計師Ashley Sutton設計，以海洋為題，至於雞尾酒則出自Joseph Boroski的設計，經兩位大師之手的酒吧絕對有質素保證，可以來一個不醉無歸。


超過180度的無邊際泳池，可以一邊浸一邊飲一邊睇美景。


Resort以海洋為設計主題，門口的大鯨魚好搶眼。

Day2
前一晚瞓夠，第二日就係時候瘋狂玩樂。酒店建在Vana Nava叢林水上樂園旁，行出酒店門口兩步就到。Vana Nava2014年開幕，在泰國很受歡迎，單買門票要港幣二百多元，入住酒店則可以無限次免費入場。

樂園有二十幾項不同刺激程度的玩樂設施，最高的滑水道高28米。其中一項遊戲Aqua Loop是垂直的滑水道，站進預備位置，關上透明拱門，啪一聲你腳下的地板就會突然消失，讓你跌入極速水道，刺激程度爆燈。心臟負荷不來，也有多人一起玩的水泡滑水道，或者衝浪、人造泳灘、飄流河域等悠閒設施，也有繽紛的兒童天地，一家大細都啱玩。

濕完身，水上樂園內亦有攀石場及繩網陣。繩網陣最高13.4米，有多種不同玩法的設計，是力量及膽量的挑戰。上去玩之前要諗清楚，雖然做足晒安全措施，但一旦踏出去，就算腳軟都要自己完成，卡在遊戲中間工作人員很難拯救你。

玩完水上樂園，再出發去shopping血拼。酒店提供免費接駁車去大型商場Blueport、夜市等主要景點，不用費神找景點找交通。


水上樂園內有繩網陣，是力量及膽量的挑戰。


時尚博客Zoe做spa經驗豐富，佢覺得呢間spa手勢同香氛選擇都唔錯。 IG@zoe_normalchic


天台Sky bar欣賞日落一流。

Day3
吃完豐富早餐，去機場之前的時間當然都不能浪費。健康人士可以去酒店健身室，看着落地大玻璃美景出一身汗。有童心的朋友，可以去酒店兒童樂園玩波波池。或者寫意點，約姊妹去享受泰式spa。

Travel Memo
從香港直飛曼谷，再由曼谷轉乖巴士或包車到華欣，車程約需2.5小時。

Holiday Inn Resort Vana Nava Hua Hin
房價：兩人房約780港元起，包無限次進出Vana Nava叢林水上樂園

記者：李珮禎
攝影：蕭志南

source : https://hk.lifestyle.appledaily.com/lifestyle/travel/daily/article/20180310/20327349
+++++++++++++++++++++++++++++++++++++++++++++++++++++++++++++++++
睇落幾平