昔日天下三分，本來高U香平分網上輿論，但高營613事件衍生的後續，相信令方丈元氣大傷，番唔到轉頭。事件相信是本地網絡生態的轉捩點。老夫借此分析拋磚引玉，望對膠登前路交流增益

天時：方丈點解要BAM人，其實不用多猜測，做得CEO，就一定要同盤數負責。要盤生意賺，一係開源，一係節流。盤生意成日比官司纏繞，人財兩失少不免，跌左錢點搵番？一係係亞爺到，一係係你度。點做可以食兩家茶禮？先BAM後氹羅。本以為無得輸，點知合時殺出一個爭氣的膠登，吸納一眾前高登精英，一滴不漏。其實方丈份人唔小氣我係信既(求財駛乜勞氣)，但實際係比場官司搞到怯哂，同D靚落Order時又重手左，殺錯良民。613, 膠登出現，官司終審，71，可能有人以為一手掌握，但金翅....
*Remarks:如果判案前BAM一千幾百人可改變個官的睇法，或者現在做甚麼來會改變判決，那就做既傻，信既天真了。

地利：新仇舊恨，高膠必然對立。高營經營十多年，電腦技術僵化，熄登/塞車時有發生，逼於無奈要擴充就加線加Server,硬性使電腦/財務負荷上升，以使用表現計，U汪不如。反觀膠營早已登上雲端，穩定和速度高下立見。當然高營可以跟隨轉用，奈何機構大，歷史/IT包袱多，轉身必然慢。偶有不慎，技術性熄登，流失更多會員。方丈頭痕也。

人和：613一役，高營斬殺自己友數百，但膠登會員以上千遞增，這表明每一個BAM Account就會帶來九個不值高營所為的人，包括在下。不要忘記，現在的會員以創意和活躍度可說是精兵中的精英啊！當然比人數是無得比，但你將今日兩邊吹水台的文章一比，你就明白影響力去左邊一面。我們要的，不是人頭，而是影響力。傳媒不久，甚至現在他們會知道在那裡找到最尖銳的評論。

雜項：
財務問題：一個駛幾百萬會肉赤，仲有的廣告位成日賣唔去要登番肥花廣告的機構，有幾多底自己知。至於膠登，你開廣告位我排隊登！其實有如此會員，結合網上的獨立傳媒，無論財路還是言路都是好選擇。
法律問題：守法守規矩是常識吧。但令搞事之徒連律師信/維穩電話都打不到，也是防守的高牆。
IT問題：呢度臥虎藏龍，不贅。
五毛問題：最好的教育是訓練，五毛避不過，但普渡世人認識五毛，就要有教材有導師，用五毛就買到教材，抵！

總之，唔係信Admin，係信自己。現在膠登之勢有如劉備得荊州後有諸葛關張坐陣，一年內，膠登可建立自己輿論立場，三年內，高營必被流乾水