兩名嘅咖啡店老東主為自己於城內佈置嘅聖誕樹遭遇批評而辯護。

義工 Derek 同佢太太 Tracy Powell，於上週五嚮利夫公園嘅公園廣場於置咗棵聖誕樹。



但係因為有人將佢地嘅製成品拍照仲嚮上週末喺網絡上分享，令到佢哋棵樹俾一堆網民標籤，話佢「醜樣」同「失禮」喎。

依家兩位咖啡店 Time Out 嘅老闆 Derek 哥同 Tracy 太，就呼籲有心人喺下個禮拜日過黎一齊重新再佈置過。

52歲嘅 Derek 話：「星期五嗰陣雖然天氣好差啊，但我地都搵到班出黎幫手佈置下棵樹。」

「咁我地都叫做盡左力架啦。」

「本來個反應好好架，喺咁嘅極端天氣下，都有好多人肯騰出佢地嘅時間出黎幫手。」

「我地有好多細路，好多老人家，同埋一班本地人都肯黎幫手，真係難能可貴。」

「但係點知禮拜日就搞單咁嘅野，我地係網上見到有人開 Post 插，跟住我就覺得非常之失落。」

「好多評論都係得個插字啊，寫嘅人根本唔理解呢樣野唔係市政搞，而係一班有心人捐出佢地嘅物資黎佈置。」

「佢地係唔知我哋實際做過乜嘅情況下就亂咁插，真係要講句 CHING 識波。」

因為照片係網上分享嘅關係，令到有更多嘅有心人將佢地嘅裝飾品捐出黎，其中有一位匿名嘅 Facebook 用家更加捐左 50 鎊出黎買茶同咖啡慰勞義工。

Derek 叔話：「今次其實係我地第一次搞類野出黎，而棵樹亦係由第二間舖捐出黎。」

「我哋真心希望可以得到多少嘅有心人肯嚮下個禮拜日過黎幫我地手。」

「呢樣野代表咗聖誕節嘅精神。」

佈置活動會喺禮拜日 11 點嚮公園廣場進行（位置係 Time Out 咖啡店出面）。

如果有任何人想捐出裝飾品嘅話可以嚮咖啡店入面搞掂。

原文：

https://www.portsmouth.co.uk/business/cafe-owners-defend-town-s-controversial-christmas-tree-1-8275435